సర్ఫరాజ్ ఖాన్ కి.. రోహిత్ స్వీట్ వార్నింగ్.. ఎందుకో తెలుసా?
ఈ క్రమంలోనే టీమ్ ఇండియా పై ప్రశంసలు కురుస్తూ ఉన్నాయి అని చెప్పాలి అయితే ఇక ఇటీవలే ముగిసిన రాంచి టెస్టులో ఇంగ్లాండ్ సెకండ్ ఇన్నింగ్స్ సమయంలో ఒక ఆసక్తికర ఘటన చోటుచేసుకుంది. ఇంగ్లాండ్ తో జరుగుతున్న టెస్టు సిరీస్ ద్వారా సర్ఫరాజ్ ఖాన్ భారత జట్టులోకి ఎంట్రీ ఇచ్చాడు అన్న విషయం తెలిసిందే. ఇక వరుసగా హాఫ్ సెంచరీలు చేసి తన ప్రదర్శనతో పర్వాలేదు అనిపించాడు. ఈ క్రమంలోనే సర్పరాజ్ ప్రదర్శన పై ప్రశంసలు కూడా వచ్చాయి. అయితే ఇటీవల ఇంగ్లాండు ఇన్నింగ్స్ సమయంలో మాత్రం సర్ఫరాజ్ చేసిన పని అటు కెప్టెన్ రోహిత్ శర్మకు అస్సలు నచ్చలేదు. దీంతో ఏకంగా అతనికి స్వీట్ వార్నింగ్ ఇచ్చాడు అని చెప్పాలి.
రాంచీ టెస్ట్ రసవత్తరంగా సాగుతున్న సమయంలో షార్ట్ ఫీల్డింగ్ పొజిషన్లో సర్పరాజ్ ఖాన్ ఉన్నాడు. సాధారణంగా అక్కడ ఫీల్డింగ్ చేసే ఆటగాడు ఎవరైనా సరే ఇక హెల్మెట్ ధరించడం చేస్తూ ఉంటారు కానీ సర్పరాజ్ మాత్రం హెల్మెట్ వద్దని చెప్పాడు. దీంతో కెప్టెన్ రోహిత్ స్పందిస్తూ ఇక్కడ హీరో కావడానికి ప్రయత్నించొద్దు అంటూ స్వీట్ వార్నింగ్ ఇచ్చాడు. దీంతో సర్ఫరాజ్ వెంటనే హెల్మెట్ తెప్పించుకున్నాడు. అయితే ఇదంతా స్టంప్స్ మైక్ లో రికార్డు అయింది అని చెప్పాలి. జట్టు ఆటగాళ్ళను కాపాడుకోవడంలో రోహిత్ శర్మ ఎప్పుడు ముందుంటాడు అంటూ నేటిజన్స్ కామెంట్లు చేస్తున్నారు.