తెలంగాణ రైజింగ్ గ్లోబల్ సమిట్ కోసం హైదరాబాద్ నగరాన్ని అద్భుతంగా ముస్తాబు చేస్తోంది రేవంత్ సర్కార్. ఫ్యూచర్ సిటీలో నేడు, రేపు జరిగే ఈ భారీ కార్యక్రమానికి సంప్రదాయ హంగులు, సాంకేతిక ఆకర్షణలు కలగలిపి ఏర్పాట్లు సాగుతున్నాయి. దేశీయ ప్రతినిధులు, విదేశీ అతిథులు అందరినీ ఆకట్టుకునేలా నగరాన్ని అలంకరిస్తున్నారు. తెలంగాణను ప్రపంచ దృష్టికి తీసుకురావాలనే లక్ష్యంతో రాష్ట్ర ప్రభుత్వం అన్ని విభాగాలు సమన్వయంతో పని చేస్తోంది. శంషాబాద్ ఎయిర్‌పోర్టు నుంచి ఫ్యూచర్ సిటీ వరకు ఎల్ఈడీ తెరలు వెలుగులు విరజిమ్ముతున్నాయి.

నగరం నలువైపులా గ్లోబల్ సమిట్ లోగోలు పొందుపరిచిన ఒకటిన్నర వేల జెండాలు రెపరెపలాడుతున్నాయి. పది కీలక ప్రదేశాల్లో ప్రత్యేక సమాచార స్టాళ్లు అతిథులకు మార్గదర్శనం చేస్తాయి.ఫ్యూచర్ సిటీలో డిజిటల్ తెరలు కలిగిన టన్నెల్ అతిథులకు ప్రత్యేక ఆకర్షణగా మారింది. త్రీడీ డిజైన్లు ఉన్న యాభై మీటర్ల టన్నెల్ గుండా సమిట్ ప్రాంగణానికి చేరుకునేలా రూపొందించారు. హైదరాబాద్ ప్రముఖ స్థలాల్లో హైటెక్ ప్రొజెక్షన్లు, డిజిటల్ ప్రదర్శనలు అందరినీ మంత్రముగ్ధుల్ని చేస్తాయి.

తెలంగాణ సాంస్కృతిక వైభవాన్ని చాటేలా అతిథులకు ప్రత్యేక ఏర్పాట్లు జరిగాయి. సచివాలయం వద్ద త్రీడీ ప్రొజెక్షన్ మ్యాపింగ్ రాష్ట్ర అభివృద్ధి తీరును వివరిస్తుంది. భవిష్యత్ లక్ష్యాలు స్పష్టంగా అర్థమయ్యేలా డిస్‌ప్లేలు రూపొందించారు. తెలంగాణ రైజింగ్ 2047 లక్ష్యాలు ప్రదర్శనలు ద్వారా అతిథులకు పరిచయం చేస్తున్నారు.హుస్సేన్ సాగర్ లో వాటర్ ప్రొజెక్షన్ ద్వారా ప్రత్యేక ప్రదర్శన అందరినీ ఆశ్చర్యపరుస్తుంది. చార్మినార్ భవనం పైన లైటింగ్ ప్రొజెక్షన్ వెలుగులు విరజిమ్ముతాయి. కాచిగూడ రైల్వేస్టేషన్ భవనం పైన కూడా ఇలాంటి ప్రదర్శనలు ఏర్పాటు చేశారు.

దుర్గం చెరువులో గ్లోబ్ ఆకారం తేలియాడే ప్రొజెక్షన్ అతిథులకు మరపురాని అనుభవం ఇస్తుంది. రాష్ట్రం అభివృద్ధి పథాన్ని వివరించేలా అన్ని ప్రదర్శనలు రూపొందాయి. హైదరాబాద్ సంప్రదాయ వైభవాన్ని సాంకేతిక ఆధునికతతో కలిపి ప్రదర్శిస్తున్నారు.రేవంత్ సర్కార్ ఈ ఏర్పాట్లతో సమిట్‌ను అదిరిపోయేలా మలుస్తోంది. అతిథులు రాష్ట్రం పట్ల మంచి అభిప్రాయం పొందేలా అన్ని చర్యలు తీసుకుంటున్నారు. తెలంగాణ భవిష్యత్ లక్ష్యాలు ప్రపంచానికి తెలియజేసేలా ఈ ప్రదర్శనలు సాగుతాయి. హైదరాబాద్ నగరం మొత్తం సమిట్ వాతావరణంలో మునిగిపోయింది. రాష్ట్ర ప్రభుత్వం ఈ కార్యక్రమం ద్వారా పెట్టుబడులు ఆకర్షించాలని భావిస్తోంది. అతిథుల సౌకర్యం కోసం అన్ని ఏర్పాట్లు పూర్తయ్యాయి.

 9490520108..  వాట్సాప్ నెంబ‌ర్‌కు మీ జిల్లాలో రాజ‌కీయ‌, సామాజిక స‌మ‌స్యలు వివ‌రాలు పంపండి..

ఏపీ, తెలంగాణ‌లో వివిధ నియోజ‌క‌వ‌ర్గాల్లో నెల‌కొన్న ప్రజ‌ల స‌మ‌స్యలు, రాజ‌కీయ ప‌ర‌మైన అంశాల‌ను మా దృష్టికి తీసుకు రావాల‌నుకుంటున్నారా ?  మీ స‌మ‌స్య లేదా మీరు చెప్పే విషయం ఏదైనా క్లుప్తంగా 9490520108 నెంబ‌రుకు వాట్సాప్ ద్వారా తెలియ‌జేయండి.

నోట్ :  వ్యక్తిగ‌త స‌మ‌స్యలు వ‌ద్దు