ఓటర్ కి రెండు చేతులు లేకపోతే.. సిరా గుర్తు ఎక్కడ వేస్తారో తెలుసా?
తమను గెలిపిస్తే ఏం చేస్తాము అనే విషయంపై స్పష్టమైన హామీలను కూడా ఇస్తూ ప్రచారంలో దూసుకుపోతున్నారు ఆయా పార్టీల తరపున పోటీ చేస్తున్న అభ్యర్థులు. ఇలా ఎక్కడ చూసిన ప్రచార హోరు కనిపిస్తూ ఉండగా.. మరోవైపు సోషల్ మీడియాలో ఎన్నికలకు సంబంధించి ఎన్నో ఆసక్తికర విషయాలు వైరల్ గా మారిపోతున్నాయి అని చెప్పాలి. సాదరణంగా ఓటు వేయడానికి వెళ్ళిన ప్రతి ఒక్కరికి ఎడమ చేతి చూపుడు వేలీపై సిరా వేస్తారు అన్న విషయం అందరికి తెలిసిందే.
ఇలా ఓటు వేసేటప్పుడు వేసే సిరా తుడుచుకున్న కూడా పోదు. దాదాపు నెలరోజుల పాటు అలాగే ఉంటుంది. అయితే ఒకవేళ ఓటు వేసే వ్యక్తికి చూపుడువేలు లేకపోతే లేదంటే మొత్తం రెండు చేతులు లేకపోతే ఎలా సిరా వేస్తారు అన్న డౌట్ చాలామందిలో వస్తూ ఉంటుంది. ఆ డీటెయిల్స్ చూసుకుంటే ఒకవేళ ఓటు వేసే వ్యక్తికి ఎడమచేతి చూపుడు వేలు లేకపోతే.. మధ్యలో వేలికి వేస్తారు.. అది లేకపోతే బొటన వేలికి వేస్తారు. ఇక ఎడమ చేయి లేకుంటే కుడి చేతి చూపుడు వేలికి.. అది కూడా లేకపోతే ఉంగరం వేలికి సిరా గుర్తును వేస్తారు. ఒకవేళ ఓటు వేసే వ్యక్తికి రెండు చేతులు లేకపోతే కాలి వేళ్లకు సిరా గుర్తు పూయాలని ఎన్నికల సంఘం నిబంధనలో ఉంది.