TG మొదలైంది.. ఆ నంబర్లకు కాసుల పంట?
TG గా మార్చిన మొదటి రోజే ఫ్యాన్సీ నంబర్లతో రవాణాశాఖకు భారీగా ఆదాయం సమకూరింది. హైదరాబాద్ సెంట్రల్ జోన్ లోని బండ్లగూడలో TG 12 0999 ఫ్యాన్సీ నంబర్ కు రూ.1,30,009 ధర పలికింది. ఈ నంబర్ ను దాసరి వెంకటేశ్వర ప్రసాద్ దక్కించుకున్నారు. మరో నంబర్ TG 12 0786 ఫ్యాన్సీ నంబర్ కు రూ. 74,786 ధర పలికింది. ఈ నంబర్ ను నజీయా సుల్తాన దక్కించుకున్నారు. మొత్తం ఈ రెండు నంబర్లకు కలిపి రిజర్వేషన్ ఫీజు, బిడ్ ధర కలుపుకుంటే రవాణాశాఖకు రూ.332,295 ఆదాయం సమకూరింది. ఆర్టీఏ వెస్ట్ జోన్ లోని ఇక టౌలీచౌక్ రవాణాశాఖ కార్యాలయంలో TG 13 0001 నంబర్ కు రూ.1,61,111 ధర పలికింది. ఈ నంబర్ ను శ్రీ లక్ష్మీ గణపతి ఇండస్ట్రీస్ ప్రైవేట్ లిమిటెడ్ దక్కించుకుంది.
ఇక TG 13 1000 నంబర్ కు రూ.60,000ల ధర పలికింది. ఈ నంబర్ మహ్మద్ అశాన్ ఖాన్ దక్కించుకున్నారు. ఈ రెండు నంబర్లకు రిజర్వేషన్ ఫీజు, బిడ్ ధర కలుపుకుంటే రవాణాశాఖకు రూ.5,38,511 ఆదాయం సమకూరింది. సౌత్ జోన్ రవాణాశాఖ కార్యాలయంలో TG120007 నంబర్ కు రూ.44, 500లు, TG120786 నంబర్ కు రూ. 74,786లు, TG120999 నంబర్ కు రూ.1,30,009లు ఈ మూడు ఫ్యాన్సీ నంబర్లకు కలిపి రూ. 3,33,295ల ఆదాయం సమకూరింది.