బాబోయ్ బాబాయ్ : అంత మంచివాడా? ఎవ్వడినీ కొట్టడా?
అఖండ మూవీ ప్రీ రిలీజ్ ఈవెంట్ ఇవాళ జరగనుంది. హైద్రాబాద్ శిల్ప కళావేదికలో నిర్వహించే ఈ వేడుకకు అన్ని ఏర్పాట్లూ పూర్తయ్యాయి. ముఖ్య అతిథులుగా దర్శకుడు రాజమౌళి, హీరో అల్లు అర్జున్ రానున్నారు. డిసెంబర్ 2న చిత్రం విడుదల చేసేందు కు సన్నాహాలు చేస్తున్నారు. పూర్తి రాజకీయ నేపథ్యం ఉన్న చిత్రం ఇది అని కొన్ని సంభాషణలు వింటే తెలుస్తోంది. బోయపాటి డైరెక్షన్ లో బాలయ్య ఇదివరకే నటించిన సింహా, లెజెండ్ చిత్రాలు ఏ విధంగా అలరించాయో అదే స్థాయిలో ఈ సినిమా కూడా హై ఓల్టేజ్ యాక్షన్ సన్నివేశాలతో రూపుదిద్దుకుంది. సహజంగా ఆవేశ ప్రధాన పాత్రలు రౌద్ర ప్రధాన పాత్రలు పోషించడంలో బాల య్యకు మంచి పేరు ఉంది. వీటికి తోడు ఆయన సంభాషణ పలికే తీరు మాస్ లో మంచి క్రేజ్ కు కారణం అయింది కూడా! ఇవన్నీ దృష్టిలో ఉంచుకుని అఖండ రూపుదిద్దుకుంది.
ఇంకా చెప్పాలంటే...
ఈ ఏడాది అఖండ నామ సంవత్సరం కానుంది. అలాంటి ధీమాతో ఉన్నారు బాలయ్య. ఎన్నడూ లేని విధంగా ట్రైలర్ కు మంచి స్పందన ఉంది. దీంతో ప్రీ రిలీజ్ బిజినెస్ కూడా బాగా నడిచిందనే టాక్ ఉంది. ఇక హీరోయిన్ ప్రజ్ఞా జైస్వాల్ అయితే బాలయ్యను ప్రశంసలతో ముంచెత్తుతోంది. ఇంతకూ ఎప్పుడూ కోపంతోనో ఆవేశంతోనో ఊగిపోయే పాత్రలను పోషించే బాలయ్య సెట్లో ఎలా ఉంటారు? అంటే అందుకు సమాధానం బోయపాటినే చెప్పాలి. లేదా ప్రజ్ఞానే చెప్పాలి. వాస్తవానికి ప్రథమ కోపం కానీ ప్రథమ ఆవేశం కానీ ఉండే వ్యక్తులు కాస్త నిగ్రహం కోల్పోయే ఉంటారు. సెట్లో ఆయన క్రమశిక్షణ తప్పి ఉండరు. ఉండాలనుకోరు. ఆ విధంగా ఎవ్వరయినా ప్రవర్తిస్తే ఒప్పుకోరు. ఆయా సందర్భాల్లో చాలా మందిపై ఆయన సీరియస్ అయ్యారు. వార్నింగ్ లు కూడా ఇచ్చారు. కొందరిని కొట్టారు కూడా! ఆవేశంలో ఆయన తీసుకున్న నిర్ణయాలతో కొందరిని ఆయన శారీరకంగా, మానసి కంగా బాధపెట్టారు కూడా! అయినప్పటికీ బాలయ్యను ప్రేమించే వాళ్లకు,ఆయన మనస్తత్వం తెలిసిన వారికి మాత్రం వీటన్నింటి నుంచి మినహాయింపు ఉంటుంది.