నేను మారలేదు.. క్లారిటీ ఇచ్చిన పవన్ కల్యాణ్..
విశాఖ స్టీల్ ప్లాంట్ ప్రైవేటీకరణకు వ్యతిరేకంగా జనసేన అధినేత పవన్ కళ్యాణ్ రంగంలోకి దిగారు. పవన్ ఎంట్రీతో రాష్ట్రం మొత్తం మరోసారి విశాఖ ఉక్కు పరిశ్రమ సమస్యపై ద్రృష్టి పెట్టింది. ఈ కార్యక్రమంలో పవన్, కేంద్రంపై ఓ రేంజ్ లో ఫైర్ అవుతారని అందరూ భావించారు. అయితే పవన్ కళ్యాణ్ అందరి అంచనాలను తల్లకిందులు చేశారు. కేంద్రాన్ని పల్లెత్తు మాట అనకుండానే కథ నడిపించారు. కేంద్రంతో కయ్యానికి కాలు దువ్వుతున్నారని, విశాఖ వేదికగా మోదీని గట్టిగా ప్రశ్నిస్తారని అనుకుంటే.. సీన్ రివర్స్ అయింది. విశాఖ ఉక్కు విషయంలో పవన్, నేరుగా జగన్ నే టార్గెట్ చేసుకున్నారు. మోదీని పల్లెత్తు మాట అనలేదు. నిర్ణయం కేంద్రానిదే అయినా, తన పోరాటం మాత్రం రాష్ట్రంతోనే అని తేల్చి చెప్పారు.
పవన్ కళ్యాణ్ పొలిటికల్ స్టాండ్ పై విశాఖ వేదికగా అందరికీ ఓ క్లారిటీ వచ్చేసింది. రానున్న ఎన్నికలలో కూడా జనసేన, బీజేపీతోనే కలిసి ఉంటుందనేలా క్లారిటీ ఇచ్చారు పవన్. అందుకే విశాఖ ఉక్కు పోరాటంలో కేంద్రాన్ని ఏమీ అనలేదు. కేవలం వైసీపీ ప్రభుత్వాన్ని విమర్శించి సరిపెట్టుకున్నారు. బద్వేల్ ఉప ఎన్నికలలో జనసేన పోటీ నుంచి విరమించుకున్నప్పటికీ.. బీజేపీ పోటీలో నిలిచింది. దీంతో జనసేన, బీజేపీ స్నేహం ముగిసిందని కొంత చర్చ జరిగింది. అయితే ఆ ఆలోచనలు తప్పని.. పవన్ నిరూపించారు. జనసేన, బీజేపీతోనే ఉందని విశాఖ వేదికగా చెప్పకనే చెప్పారు పవన్ కళ్యాణ్.
విశాఖ ఉక్కు పరిశ్రమపై తూతూ మంత్రంగా స్పందిస్తే సరిపోదని వైసీపీ నేతలకు క్లాస్ పీకారు జనసేనాని. వారంలోగా వైసీపీ స్పందించాలని..లేదంటే ఉద్యమం తప్పదని డెడ్ లైన్ విధించారు. కేంద్రం నిర్ణయానికి వ్యతిరేకంగా అఖిలపక్షం ఏర్పాటు చేసి.. చర్యలు తీసుకోవాలని సూచించారు. విశాఖ ఉక్కు కోసం ఎంతో మంది బలిదానాలు చేశారని.. ఆ త్యాగాలను వృధా కానివ్వనని చెప్పారు. కేంద్రం దగ్గర చేతులు కట్టుకోవడం మానేసి.. పోరాటానికి సిద్ధం కావాలని అన్నారు. కేంద్రం తమమాట వినదని వైసీపీ నేతలు చెబుతున్నారని.. అలాంటప్పుడు కాంట్రాక్టులు, బెయిళ్లు మాత్రం ఇస్తుందా అంటూ ఎద్దేవా చేశారు. ఏదేమైనా పవన్ కేంద్రాన్ని పల్లెత్తు మాట అనకుండానే తన పోరాటాన్ని సాగించేందుకు రెడీ అయినట్టు తెలుస్తోంది. భవిష్యత్తులో బీజేపీతో కలసి సాగేందుకు నిర్ణయించుకోవడం వల్లే పవన్ ఈ స్టాండ్ తీసుకున్నారు.
పవన్ కళ్యాణ్ పొలిటికల్ స్టాండ్ పై విశాఖ వేదికగా అందరికీ ఓ క్లారిటీ వచ్చేసింది. రానున్న ఎన్నికలలో కూడా జనసేన, బీజేపీతోనే కలిసి ఉంటుందనేలా క్లారిటీ ఇచ్చారు పవన్. అందుకే విశాఖ ఉక్కు పోరాటంలో కేంద్రాన్ని ఏమీ అనలేదు. కేవలం వైసీపీ ప్రభుత్వాన్ని విమర్శించి సరిపెట్టుకున్నారు. బద్వేల్ ఉప ఎన్నికలలో జనసేన పోటీ నుంచి విరమించుకున్నప్పటికీ.. బీజేపీ పోటీలో నిలిచింది. దీంతో జనసేన, బీజేపీ స్నేహం ముగిసిందని కొంత చర్చ జరిగింది. అయితే ఆ ఆలోచనలు తప్పని.. పవన్ నిరూపించారు. జనసేన, బీజేపీతోనే ఉందని విశాఖ వేదికగా చెప్పకనే చెప్పారు పవన్ కళ్యాణ్.
విశాఖ ఉక్కు పరిశ్రమపై తూతూ మంత్రంగా స్పందిస్తే సరిపోదని వైసీపీ నేతలకు క్లాస్ పీకారు జనసేనాని. వారంలోగా వైసీపీ స్పందించాలని..లేదంటే ఉద్యమం తప్పదని డెడ్ లైన్ విధించారు. కేంద్రం నిర్ణయానికి వ్యతిరేకంగా అఖిలపక్షం ఏర్పాటు చేసి.. చర్యలు తీసుకోవాలని సూచించారు. విశాఖ ఉక్కు కోసం ఎంతో మంది బలిదానాలు చేశారని.. ఆ త్యాగాలను వృధా కానివ్వనని చెప్పారు. కేంద్రం దగ్గర చేతులు కట్టుకోవడం మానేసి.. పోరాటానికి సిద్ధం కావాలని అన్నారు. కేంద్రం తమమాట వినదని వైసీపీ నేతలు చెబుతున్నారని.. అలాంటప్పుడు కాంట్రాక్టులు, బెయిళ్లు మాత్రం ఇస్తుందా అంటూ ఎద్దేవా చేశారు. ఏదేమైనా పవన్ కేంద్రాన్ని పల్లెత్తు మాట అనకుండానే తన పోరాటాన్ని సాగించేందుకు రెడీ అయినట్టు తెలుస్తోంది. భవిష్యత్తులో బీజేపీతో కలసి సాగేందుకు నిర్ణయించుకోవడం వల్లే పవన్ ఈ స్టాండ్ తీసుకున్నారు.