తిడితేనే మంత్రి పదవులా..? ఇదెక్కడి లెక్క..?
మంత్రి మండలిలోకి తీసుకుంటే మీపై మిగతావారికి ఈర్ష్య పెరుగుతుందని, అందుకే అలా చేయలేదని కొందరికి చెబుతున్నారట జగన్. ఇక మిగతావారికి వారి సొంత నియోజకవర్గాలను జిల్లా కేంద్రాలుగా ఉంచాం కదా అనే మాట చెబుతున్నారట. అంటే జిల్లా కేంద్రాలను ఇవ్వడంలో కూడా ఈ రాజకీయ కోణం ఉందా అని ఆశ్చర్యపోయేలా ఉన్నాయి ఆ కథనాలు. కానీ జిల్లా కేంద్రం ఎక్కడో ఓ చోట పెట్టాల్సిందే. అలాంటి చోట ఉన్న నాయకులకు నేరుగా ఆ మాట చెబితే ఇక కిక్కురుమనకుండా ఉండగలరు. అందుకే వారికి అలా చెబుతున్నారట సీఎం జగన్.
మరికొంతమందికి మీరు టీడీపీపై గట్టిగా మాట్లాడటంలేదని కూడా చెబుుతున్నారట జగన్. ప్రభుత్వంపై, మనపై విమర్శలు చేస్తున్నవారికి బదులివ్వాలి కదా, ఘాటుగా స్పందించాలి కదా, అది మీనుంచి కవైందని అంటున్నారట. అలా మెత్తగా ఉంటే, మంత్రి మండలిలోకి వచ్చినా కూడా అలాగే ప్రవర్తిస్తారు కదా, అప్పుడు పదవులకు అర్థం ఉండదు కదా అంటున్నారట. అంటే టీడీపీని, ప్రతిపక్షాలను తిట్టినవారికే మంత్రి మండలిలో చోటు అనే అర్థం వచ్చేలా జగన్ మాట్లాడినట్టు ఆయా కథనాల సారాంశం. అదే నిజమైతే.. గతంలో మంత్రులుగా పనిచేసిన పేర్ని నాని, కొడాలి నాని, అనిల్ కుమార్ యాదవ్ టీడీపీని గట్టిగా విమర్శంచేవారు. అలాంటి వారంతా మంత్రి పదవులు కోల్పోవడం విచిత్రమే. మరి ఈ కథనాల్లో ఎంతవరకు నిజముందో చూడాలి.