కొడాలిని పీకేస్తున్నారా... కొత్త కమ్మ మంత్రి ఆయనేనా ?
ఈ అంశంపై వస్తోన్న విమర్శల నేపథ్యంలో జగన్ సైతం ఈ వర్గం నేతల్లో పార్టీకి నమ్మకంగా ఉన్న వారికి ప్రయార్టీ ఇచ్చే యోచనలో ఉన్నారు. వాస్తవంగా చూస్తే జగన్ గత ఎన్నికల్లో 10 మంది కమ్మ నేతలకు ఎమ్మెల్యే సీట్లు ఇస్తే వారిలో ఆరుగురు గెలిచి... నలుగురు ఓడిపోయారు. ఇక ముగ్గురు కమ్మలకు ఎంపీ టిక్కెట్లు ఇస్తే ఇద్దరు గెలవగా.. విజయవాడలో పీవీపీ ఓడిపోయారు. ఇక చిలకలూరిపేటలో సీటు త్యాగం చేసిన సీనియర్ నేత, మాజీ ఎమ్మెల్యే మర్రి రాజశేఖర్కు ఎమ్మెల్సీ ఇవ్వడంతో పాటు మంత్రి పదవి ఇచ్చి కేబినెట్లో తన పక్కన కూర్చో పెట్టుకుంటానని జగన్ చెప్పారు.
మర్రి రాజశేఖర్ కమ్మ వర్గం నేత.. ఈ క్రమంలోనే ఆయనకు మంత్రి పదవి ఇవ్వాలంటే కొడాలి నాని పదవిపై వేటు కత్తి వేలాడుతోంది. కొడాలి చంద్రబాబు, లోకేష్ను ఎన్ని బూతులు తిట్టినా ఆయన్ను కేబినెట్లో ఉంచాలా ? లేదా ? అన్నది అంతిమంగా జగన్ ఇష్టమే. ఇద్దరు కమ్మలకు చోటు ఉంటుందంటే నాని, రాజశేఖర్ ఇద్దరూ ఉంటారు. లేదా తాను ఇచ్చిన మాట కోసం కట్టుబడడంతో పాటు ఒక్క కమ్మే మంత్రిగా ఉండాలంటే ఖచ్చితంగా కొడాలి పదవిని పీకేస్తారనడంలో డౌటే లేదు. అప్పుడు కమ్మ వర్గం మంత్రిగా రాజశేఖర్ మాత్రమే ఉంటారు. ఇక త్వరలో జరిగే ఎమ్మెల్యే కోటా ఎమ్మెల్సీ లేదా స్థానిక సంస్థల కోటా నుంచి రాజశేఖర్ను మండలికి ఎంపిక చేయనున్నారు.