సినిమా ప్రపంచంలో రాజ్యమేలాంటే అందం, అభినయం, అదృష్టం తో పాలు సినీ పరిశ్రమను ఏలుతున్న పెద్ద కుటుంబమైనా అయి ఉండాలని అంటారు. అయితే హీరోయిన్ల విషయంలో వారసత్వాలు తక్కువే...కానీ అందం, అభినయం మాత్రం చాలా ముఖ్యం. ఎంత గ్లామర్ గా కనిపిస్తే అన్ని మార్కులు పడుతుంటాయి..దానికి అభినయం యాడ్ అయితే కొంత కాలం పాటు సినీ పరిశ్రమలో తమ సత్తా చాటవొచ్చు. అలాంటి తారలకే ఇప్పుడు పెద్ద పీట వేస్తున్నారు.
ఇక బాలీవుడ్ లో స్టార్ హీరోయిన్ల కూతుళ్లు వరుసగా హీరోయిన్లు అవుతున్నారు. అనీల్ కపూర్ కూతురు సోనమ్ కపూర్, రణదీర్ కపూర్ కూతుళ్లు కరీష్మా, కరీనా కపూర్ లు హీరోయిన్లు గా వచ్చారు. ఇక ఒకప్పుడు విలన్ , కమెడియన్ గా నటించిన శక్తికపూర్ కూతురు శ్రద్దా కపూర్ హీరోయిన్ గా వస్తుంది. అతిలోక సుందరి శ్రీదేవి తనయ జాన్వి కపూర్, స్టార్ హీరో సయిఫ్ అలీఖాన్ కూతురు సారా అలీఖాన్ హీరోయిన్లుగా నటిస్తున్నారు. అయితే సయిఫ్ అలీఖాన్ కూతురు సారా అలీఖాన్ తాజాగా ఓ ఫోటోని సోషల్ మీడియాలో షేర్ చేసి అందరికి షాక్ ఇచ్చింది.
ఈ ఫోటోలో సారాని చూస్తుంటే దాదాపు 90 కేజీలకి పైగానే బరువు ఉంటుందని అర్ధమవుతుంది. పలు ఇంటర్వ్యూలలో కూడా ఈమె ఆ విషయాన్ని తెలిపింది. చిన్నప్పటి నుంచి తాను ఎంతో బొద్దుగా ఉండటం..వయసు వచ్చాక కూడా అదే ఫిజిక్ కంటిన్యూ కావడం చాలా ఇబ్బంది అనిపించిందని చెప్పింది. అదే సమయంలో తనకు నటనపై ఆసక్తి ఉందని సారా ఇంట్లో చెప్పినప్పుడు అందరూ ఆశ్చర్యపోయారట.
అందం ఉంది..కానీ నీ పర్సనాలిటీ అద్దంలో చూసుకున్నావా? అని అన్నారట. ముందు నువు లావు తగ్గితే సినిమాల్లో అవకాశం చూడొచ్చు అని తల్లి అమృతా సింగ్ చెప్పారట. దాంతో తన ఫిజిక్ పై దృష్టి పెట్టి ఎంతో కష్టపడి తాను ఈ పొజీషన్ కి వచ్చినట్లు సారా తెలిపింది. తన పాత రోజుల్ని గుర్తు చేసుకుంటూ సారా సోషల్ మీడియాలో షేర్ చేసిన ఈ ఫోటో వైరల్ అవుతోంది.