హెరాల్డ్ ఫ్లాష్ బ్యాక్ 2024: బ్యాక్ టు బ్యాక్ హిట్స్ తో 100 కోట్ల హీరోయిన్ గా మీనాక్షి చౌదరి.!!
మీనాక్షి చౌదరి.. ఈ ఏడాది విడుదలై హిట్ అయిన మోస్ట్ ఆఫ్ ది సినిమాల్లో మీనాక్షి చౌదరి కూడా భాగామైంది.. అలా 2024 హీరోయిన్ మీనాక్షి చౌదరికి బాగా కలిసి వచ్చింది అని చెప్పుకోవచ్చు. ఈ సంవత్సరం మీనాక్షి చౌదరి చేసిన సినిమాలేవి..ఆ సినిమాల్లో ఏవి హిట్ కొట్టాయి అనేది ఇప్పుడు చూద్దాం.. ఇచ్చట వాహనాలు నిలపరాదు అనే సినిమా ద్వారా తెలుగు చిత్రసీమ పరిశ్రమలోకి ఎంట్రీ ఇచ్చిన మీనాక్షి చౌదరి మొదటి రెండు మూడు సినిమాలు అంతగా గుర్తింపు తెచ్చి పెట్టలేదు. ఇక ఎప్పుడైతే అడివి శేష్ తో హిట్-2 సినిమాలో నటించిందో దాంతో ఈమె దశా దిశా రెండు మారిపోయాయని చెప్పుకోవచ్చు.. ఈ ఏడాది మీనాక్షి చౌదరి ఖాతాలో లక్కీ భాస్కర్, ది గోట్ వంటి రెండు హిట్ సినిమాలు పడ్డాయి.. ఇక మహేష్ బాబు నటించిన గుంటూరు కారం సినిమాలో సెకండ్ హీరోయిన్ గా నటించినప్పటికీ మీనాక్షి చౌదరి పాత్రకి అంతగా ప్రాధాన్యత లేదు.
కానీ స్టార్ హీరో సినిమాలో నటించేసరికి మీనాక్షికి క్రేజ్ అయితే పెరిగింది. అలాగే మట్కా లాంటి భారీ డిజాస్టర్ సినిమా కూడా ఈ హీరోయిన్ ఖాతాలో పడింది. కానీ ఈ డిజాస్టర్ మూవీ రిజల్ట్ మీనాక్షి చౌదరిపై ఎక్కువగా ఎఫెక్ట్ చూపించలేదని చెప్పవచ్చు. ఈ ఏడాది మీనాక్షి చౌదరి చాలా బిజీ బిజీగా గడిపింది. అలాగే ఈమె నటించిన లక్కీ భాస్కర్ మూవీ బ్లాక్ బస్టర్ హిట్ అవ్వడంతో మీనాక్షి చౌదరికి ఇండస్ట్రీలో మంచి మంచి అవకాశాలు వస్తున్నాయి. ప్రస్తుతం ఈ ముద్దుగుమ్మ చేతిలో చిరంజీవి హీరోగా చేస్తున్న విశ్వంభర మూవీ కూడా ఉంది. అలాగే విక్టరీ వెంకటేష్ తో సంక్రాంతి కానుకగా విడుదల కాబోతున్న సంక్రాంతికి వస్తున్నాం అనే సినిమాలో కూడా మీనాక్షి చౌదరి ఆడి పాడింది.ఈ సినిమాలో వెంకటేష్ లవర్ పాత్రలో మీనాక్షి చౌదరి కనిపించబోతున్నట్లు తెలుస్తోంది.
ఇక ఈ ఏడాది మాత్రమే కాకుండా వచ్చే ఏడాది కూడా మీనాక్షి చౌదరి బిజీ బిజీగానే ఉండబోతుంది తెలుస్తోంది. ఇలా కేవలం సినిమాలు మాత్రమే కాకుండా యాడ్స్ అలాగే షాపింగ్ మాల్స్ ఓపెనింగ్ వెళుతూ దీపం ఉన్నప్పుడే ఇల్లు చక్కబెట్టుకోవాలి అన్నట్లు స్టార్డం ఉన్నప్పుడే దాన్ని వినియోగించుకుంటూ వరుస ఆఫర్స్ చేజిక్కించుకుంటుంది. ఇక రెండు మూడు సినిమాలు హిట్ అవ్వడంతో మీనాక్షి చౌదరి క్రేజ్ కూడా ఇండస్ట్రీలో పెరిగిపోయింది. దాంతో ఈ హీరోయిన్ రెమ్యూనరేషన్ కూడా భారీగానే తీసుకుంటున్నట్టు తెలుస్తుంది. అలాగే మీనాక్షి చౌదరి ఖాతాలో వరుస హిట్స్ పడడంతో చాలామంది స్టార్ హీరోలు కూడా మీనాక్షి చౌదరిని తమ సినిమాల్లో తీసుకోవడానికి ఆసక్తి చూపిస్తున్నారు.అలా వచ్చే ఏడాది 2025లో మీనాక్షి చౌదరికి మరిన్ని ఆఫర్స్ వస్తాయని స్టార్ హీరోల సినిమాల్లో అవకాశాలు దక్కుతాయని తెలుస్తోంది