పుష్ప 2 : రన్ టైమ్ గురించి ఓపెన్ అయిన నిర్మాత.. షాకింగ్ కామెంట్స్ చేశాడుగా..?
టాలీవుడ్ ఇండస్ట్రీలో స్టార్ హీరోలలో ఒకరు అయినటువంటి ఐకాన్ స్టార్ అల్లు అర్జున్ తాజాగా పుష్ప పార్ట్ 2 సినిమాలో హీరోగా నటించిన విషయం మన అందరికీ తెలిసిందే. ఇక పుష్ప పార్ట్ 1 మూవీ తెలుగు , తమిళ్ , కన్నడ , మలయాళ , హిందీ భాషలలో విడుదల అయ్యి అద్భుతమైన విజయాన్ని అందుకుంది. ఈ మూవీ లోని అల్లు అర్జున్ నటనకి గాను ప్రేక్షకుల నుండి , విమర్శకుల నుండి అద్భుతమైన ప్రశంసలు వచ్చాయి. అలాగే ఈ మూవీలోని నటనకు అల్లు అర్జున్ ఏకంగా నేషనల్ అవార్డు కూడా దక్కింది. ఇక పుష్ప పార్ట్ 2 సినిమాపై ప్రేక్షకుల్లో భారీ అంచనాలు ఉన్నాయి. ఈ మూవీ ని ఈ సంవత్సరం డిసెంబర్ 5 వ తేదీన విడుదల చేయనున్నారు.
ఇక ఇప్పటికే ఈ సినిమాకు సంబంధించిన రన్ టైమ్ ను మేకర్స్ లాక్ చేసినట్లు గత కొన్ని రోజులుగా ఓ వార్త వైరల్ అవుతుంది. ఇక ఈ సినిమా యొక్క రన్ టైమ్ 3 గంటల 30 నిమిషాలు ఉండబోతున్నట్లు భారీ రన్ టైమ్ తో ఈ సినిమా ప్రేక్షకుల ముందుకు రాబోతున్నట్లు ఓ వార్త గత కొన్ని రోజులుగా వైరల్ అవుతుంది. ఇకపోతే ఈ మూవీ ని మైత్రి మూవీ సంస్థ వారు నిర్మించారు. ఇది ఇలా ఉంటే తాజాగా మైత్రి మూవీ సంస్థ వారు రాబిన్ హుడ్ అనే సినిమాను కూడా తెరకెక్కించారు. ఈ మూవీ ని డిసెంబర్ 25 వ తేదీన విడుదల చేయనున్నారు. తాజాగా ఈ మూవీ యూనిట్ వారు ఓ ప్రెస్ మీట్ ను నిర్వహించారు.
అందులో భాగంగా మైత్రి సంస్థ నిర్మాతలలో ఒకరు అయినటువంటి నవీన్ ఈ సినిమా రన్ టైం మూడున్నర గంటలు ఉన్నప్పటికీ మీకు అది పెద్దగా కష్టం అనిపించదు. రెండున్నర గంటల రన్ టైం తో వచ్చిన సినిమా ఏ విధంగా టైంపాస్ అవుతుందో అదే విధంగా ఈ సినిమా ఉంటుంది అని ఆయన చెప్పాడు. దానితో ఈ సినిమా మూడున్నర గంటల నెడివితో ప్రేక్షకుల ముందుకు రానున్న విషయం కన్ఫర్మ్ అయింది.