టాలీవుడ్ తో సంబంధం లేదంటున్న ఆ స్టార్ హీరోయిన్స్..!!
సినీ ఇండస్ట్రీలో హీరోయిన్‌లుగా అడుగుపెట్టి రాణించి సక్సెస్ సాధించాలంటే.. అంత సులువు కాదు. దీనికి అహర్నిశలు శ్రమించాల్సి ఉంటుంది. అంతేకాదు అందం, అభినయంతో పాటు అదృష్టం కూడా కలిసి వస్తేనే అమ్మడు స్టార్ హీరోయిన్గా మారగలుగుతుంది. అలా ఇప్పటికే ఎంతమంది ఇండస్ట్రీలోకి అడుగుపెట్టి ఒక్కో సినిమాతో సూపర్ సక్సెస్ అందుకున్ని స్టార్ హీరోయిన్ ఇమేజ్ను మాత్రం సొంతం చేసుకోలేకపోతున్నారు. మరి కొంతమంది తమ నటించిన ఒక్క సినిమాతోనే ఓవర్ నైట్ లో స్టార్ హీరోయిన్ గా మారిపోయి రాణిస్తున్న సందర్భాలు కూడా ఉన్నాయి.ఇదిలావుండగాసీనియర్ భామలకు టాలీవుడ్‌ను పక్కన పెట్టేస్తున్నారా అంటే అవుననే సమాధానం వినిపిస్తోంది. సమంత, నిత్యామీనన్, చందమామ కాజల్, రకుల్, నయనతార, తమన్నా, పూజ హెగ్డే, కీర్తి సురేష్ వీరంతా ఒకప్పడు టాలీవుడ్ లో ఓ వెలుగు వెలిగిన నటీమణులు.కానీ ఇప్పుడు టాలీవుడ్ ను పూర్తిగా మరిచారు.పక్కింటామ్మాయిలా కనిపించే నిత్యామీనన్ మెల్లిగా తెలుగు పరిశ్రమ నుండి దూరంగా వెళ్ళింది.
భీమ్లా నాయర్ తర్వాత తెలుగులో తన నెక్ట్స్ ప్రాజెక్ట్ ఎనౌన్స్ చేయలేదు. తమిళ్ లో ధనుష్ సినిమా సూపర్ హిట్ కాగా జయం రవితో సినిమా సెట్స్ పై ఉంది. రకుల్ కూడా సేమ్ సీన్. కొండ పొలం తర్వాత స్ట్రయిట్ తెలుగు సినిమా చేయలేదు. కాస్తో, ,కూస్తో చందమామ కాజల్, క్వీన్ అనుష్క అడపా దడపా సినిమాలు చేస్తున్నరు. కాజల్ గతేడాది బాలయ్య సరసన భగవంత్ కేసరిలో అలరించి సత్యభామ అనే లేడీ ఓరియెంటెడ్ సినిమాలో మెరిసింది. ఇక అనుష్క నవీన్ శెట్టి సినిమాతో పలకరించగా ప్రస్తుతం ఘాటీ అనే సినిమాలో చేస్తుంది. ఇక తమన్నా ఓదెల రైల్వే స్టేషన్ సినిమా చేస్తోంది.ఈ క్రమంలో నే సమంత నాగచైతన్య తో విడాకుల తరువాత బాలీవుడ్ లో వెబ్ సిరీస్ అంటూ టాలీవుడ్ ను మరిచిపోయింది. అడపా దడపా సోషల్మీడియా కే పరిమితమైంది.మొన్నఆ మధ్య విజయ్ తో ఖుషి మూవీ చేసిన అది అంతగా ప్రేక్షకులను మెప్పించలేదు.ఇక పూజ హెగ్డే, కీర్తిసురేష్ కూడా అటే పయనిస్తున్నారు.ఈ నేపథ్యంలో గ్లామర్ రోల్స్ పోషించేశాం.. ఇక కంటెంట్ బేస్డ్ కథలకే మా ఓట్ అంటున్నారు సీనియర్ భామలు. అందుకే ఒకటికి రెండు సార్లు ఆలోచించి గాని సినిమాలు ఒకే చేయట్లేదు. దీంతో మూవీ మూవీకి మధ్య భారీ గ్యాప్ వస్తోంది. మరికొంత మంది ఇతర భాషల మోజులో టాలీవుడ్ ను పక్కన పెడుతున్నారు.