శంకర్ కంబ్యాక్‌తో మరోసారి అలరించబోతున్నారా? గేమ్ ఛేంజర్ టీజర్‌పై తాజా అప్‌డేట్స్!
దర్శకుడు శంకర్ తన కెరీర్‌లో అనేక సూపర్ హిట్ చిత్రాలను అందించి తెలుగు సినీ ప్రేక్షకులను అలరించారు. ఇప్పుడు ఆయన చేస్తున్న తాజా చిత్రం 'గేమ్ చేంజర్'పై అంచనాలు ఆకాశాన్ని అంటున్నాయి. ఈ చిత్రంలో మెగా పవర్ స్టార్ రామ్ చరణ్ హీరోగా నటిస్తుండగా కీయార అద్వానీ, అంజలి హీరోయిన్ లు నటిస్తున్నారు. ఈ చిత్రం ప్రారంభమైనప్పటి నుండి సోషల్ మీడియాలో చాలా చర్చ జరుగుతోంది. శంకర్ దర్శకత్వంలో రామ్ చరణ్ కలయిక ఎలా ఉండబోతుందో అని అందరూ ఆసక్తిగా ఎదురుచూస్తున్నారు. ఇప్పటికే విడుదలైన ఫస్ట్ లుక్ పోస్టర్లు, గ్లింప్స్ చిత్రం ప్రేక్షకులను ఆకట్టుకున్నాయి. ముఖ్యంగా శంకర్ తన సినిమాల్లో ఎప్పుడూ కొత్త ప్రయోగాలు చేస్తూ ఉంటారు.
అందుకే 'గేమ్ చేంజర్'లో ఏ రకమైన కథను చెప్పబోతున్నారో అనేది ప్రేక్షకుల మనసులో ఎంతో ఆసక్తిని రేకెత్తిస్తోంది. శంకర్ గత కొన్ని సంవత్సరాలుగా తన సినిమాలతో బిజీగా ఉన్నారు. ఆయన చేసిన ప్రతి సినిమా కూడా బాక్సాఫీస్ వద్ద విజయం సాధించింది. కానీ మొన్న భారతీయుడు 2 సినిమా ప్రేక్షకులను అంతగా ఆకట్టుకోలేక పోయింది. దానితో ఫ్యాన్స్ అంతా శంకర్ తన మార్క్ హిట్ కొడితే ఎలా ఉంటుందో చూడని భావిస్తున్నారు. మరి వీటి అన్నిటికి గేమ్ ఛేంజర్ టీజర్ సమాధానం ఇస్తుంది అని వార్తలు వినిపిస్తున్నాయి. గేమ్ ఛేంజర్ టీజర్ కట్ అదిరే లెవెల్లో ఉంటుందని శంకర్ మార్క్ లో తన కమ్ బ్యాక్ ఇచ్చేలా ఉంటుంది అని టాక్. మరి ఈ అవైటడ్ టీజర్ ఈ 9న రిలీజ్ కానుంది. మరి దానితో ఈ సినిమా పై అంచనాలు పెంచుతుందో లేదో చూడాలి.
కాగా గేమ్ చేంజర్’ చిత్రంలో విజువల్ ఎఫెక్ట్స్ అద్భుతంగా ఉండనున్నాయి. హాలీవుడ్ స్థాయిలో విజువల్ ఎఫెక్ట్స్‌తో ఈ చిత్రాన్ని తెరకెక్కిస్తున్నారు. ఈ చిత్రంలో రామ్ చరణ్ యాక్షన్ సీన్స్ అద్భుతంగా ఉంటాయని చిత్రబృందం చెబుతోంది. దీర్ఘకాలంగా ఎదురు చూస్తున్న ఈ చిత్రం ఎప్పుడు విడుదల అవుతుందనే ప్రశ్నకు చివరకు జవాబు లభించింది. 'గేమ్ చేంజర్' సినిమా 2025 జనవరి 10న సంక్రాంతి కానుకగా ప్రేక్షకుల ముందుకు రానుంది. ఈ విషయాన్ని చిత్ర బృందం అధికారికంగా ప్రకటించింది. ఈ చిత్రం పాన్ ఇండియా స్థాయిలో విడుదల కానుంది. తెలుగుతో పాటు తమిళం, హిందీ భాషల్లో ఈ చిత్రం ప్రేక్షకులను అలరించనుంది.