పుష్ప 2: ఇంట్రెస్టింగ్ అప్డేట్స్ తో అభిమానులను కట్టి పడేస్తున్న ఐ కాన్ స్టార్!!
అల్లు అర్జున్ నటించిన ‘పుష్ప ది రైజ్’ సినిమా తెలుగు సినిమా ఇండస్ట్రీలోనే కాకుండా దేశవ్యాప్తంగా సంచలనం సృష్టించింది. ‘పుష్ప’ సినిమా సక్సెస్ తర్వాత ప్రేక్షకులు ఎంతగానో ఎదురుచూస్తున్న సీక్వెల్ ‘పుష్ప ది రూల్’ త్వరలోనే ప్రేక్షకుల ముందుకు రానుంది. టాలీవుడ్‌లో అత్యంత ఎదురుచూస్తున్న చిత్రాలలో ఒకటిగా నిలిచిన ‘పుష్ప 2 ది రూల్’ గురించి అందరికీ తెలిసిందే. అల్లు అర్జున్, రష్మిక మందన్నా, ఫహద్ ఫాసిల్ లాంటి స్టార్ కాస్ట్‌తో కూడిన ఈ సినిమాపై అంచనాలు అంతే ఎత్తుగా ఉన్నాయి. సుకుమార్ దర్శకత్వంలో రూపొందుతున్న ఈ చిత్రం తన రిలీజ్‌కు సిద్ధమవుతుండగా దీనిపై కొత్త కొత్త అప్డేట్స్ సోషల్ మీడియాలో తెగ వైరల్ అవుతున్నాయి. అయితే పుష్ప ది రైజ్ సినిమాలో పుష్పరాజ్ అనే క్యారెక్టర్ ఎంతల ప్రేక్షకులను ఆకట్టుకుందో తెలిసిందే.
అతని స్టైల్, డైలాగ్ డెలివరీ, యాక్షన్ సీక్వెన్స్ అన్నీ కూడా ప్రేక్షకులను అలరించాయి. ఇప్పుడు 'పుష్ప 2'లో పుష్పరాజ్ మరింత రౌడ్ర రూపంలో కనిపించబోతున్నాడు. అతని క్యారెక్టర్ ఎలా ఉంటుందో ఎలాంటి యాక్షన్ సీక్వెన్స్ లు ఉంటాయో అనేది ప్రేక్షకులలో భారీగా అంచనాలు నెలకొన్నాయి. ఇప్పటికే పుష్ప 2 నుంచి రిలీజ్ అయిన పోస్టర్స్, టీజర్,పాటలు భారీ విజయాన్ని అందుకుంటున్నాయి. అయితే ఇప్పుడు ఈ సినిమా షూటింగ్ అంతిమ దశలో ఉండగా ఈ సినిమాపై మరిన్ని ఇంట్రెస్టింగ్ అప్డేట్స్ బయటకు వచ్చాయి. అదేంటంటే సినిమా డబ్బింగ్ పనులు అన్ని భాషల్లో ఏకకాలంలో జరుగుతున్నాయట.
అంతే కాకుండా అల్లు అర్జున్ కూడా సినిమా ఫస్టాఫ్డ్ డబ్బింగ్ ని పూర్తి చేసుకోగా ఇంకొన్ని రోజుల్లోనే మొత్తం డబ్బింగ్ కంప్లీట్ చేయనున్నాడు అని తెలుస్తోంది. ఇక నెక్స్ట్ 15వ తేదిన సినిమా ట్రైలర్ కట్ ని రిలీజ్ చేయనున్నారు. కాగా ఇది ఊహించని లెవెల్లో ఉండబోతుంది అని తెలుస్తోంది. ఇకపోతే ఈ చిత్రానికి దేవిశ్రీప్రసాద్ సంగీతం అందిస్తుండగా మైత్రి మూవీ మేకర్స్, సుకుమార్ రైటింగ్స్ బ్యానర్ పై ఈ సినిమా నిర్మాణం వహిస్తున్నారు. 'పుష్ప 2 ది రూల్' సినిమా డిసెంబర్ 5న ప్రేక్షకుల ముందుకు రాబోతోంది. ఈ సినిమా అంచనాలను అధిగమించి బాక్స్ ఆఫీస్ వద్ద భారీ విజయం సాధిస్తుందని అంచనా.