కిరణ్ "క" ఎక్కడ తగ్గట్లేదుగా.. నాలుగు రోజుల రిపోర్టు విడుదల చేసి షాక్ చేసిన మూవీ యూనిట్..?
రాజా వారు రాణి గారు సినిమాతో వెండి తెరకు పరిచయం అయిన కిరణ్ అబ్బవరం గురించి ప్రత్యేక పరిచయం అవసరం లేదు. ఈయన మొదటి సినిమాతోనే పరవాలేదు అనే స్థాయి విజయాన్ని అందుకున్నాడు. ఆ తర్వాత ఈ నటుడు ఎస్ ఆర్ కళ్యాణ మండపం అనే సినిమాలో హీరో గా నటించి మంచి విజయాన్ని మంచి గుర్తింపును దక్కించుకున్నాడు. ఇక ఆ తర్వాత వరస పెట్టి చాలా సినిమాల్లో హీరోగా నటించిన ఈయనకు కొన్ని సినిమాలతో మంచి విజయాలు దక్కాయి. తాజాగా కిరణ్ "క" అనే సినిమాలో హీరో గా నటించాడు.
ఈ మూవీ ని దీపావళి సందర్భంగా అక్టోబర్ 31 వ తేదీన థియేటర్లలో విడుదల చేశారు. ఈ మూవీ కి సంబంధించిన పెయిడ్ ప్రీమియర్స్ ను అక్టోబర్ 30 వ తేదీనే చాలా ప్రాంతాల్లో ప్రదర్శించారు. ఈ మూవీ పెయిడ్ ప్రీమియర్స్ కు ప్రేక్షకుల నుండి మంచి రెస్పాన్స్ లభించింది. దానితో ఈ సినిమాకు విడుదల అయిన మొదటి రోజు మంచి కలెక్షన్లు వచ్చాయి. ఇది ఇలా ఉంటే ఈ సినిమాకు మంచి టాక్ రావడంతో ఈ సినిమాకు మంచి కలెక్షన్స్ దక్కుతున్నాయి. తాజాగా ఈ మూవీ బృందం వారు ఈ సినిమా కలెక్షన్లు రిపోర్టు కు సంబంధించిన ఒక పోస్టర్ ను విడుదల చేసారు. అందులో భాగంగా ఈ సినిమాకు మొదటి రోజు కంటే రెండవ రోజు , రెండవ రోజు కంటే మూడవ రోజు , మూడవ రోజు కంటే నాలుగవ రోజు ఎక్కువ కలెక్షన్స్ వచ్చినట్లు ఈ మూవీ బృందం తెలియజేసింది.
ఇప్పటివరకు ఈ సినిమాకు సంబంధించిన నాలుగు రోజుల బాక్సా ఫీస్ రన్ కంప్లీట్ అయింది. ఈ నాలుగు రోజుల్లో ఈ సినిమాకు 26.52 ప్లస్ కోట్ల గ్రాస్ కలెక్షన్లు వచ్చినట్లు ఈ మూవీ బృందం అధికారికంగా ప్రకటిస్తూ ఓ పోస్టర్ ను విడుదల చేసింది. ఈ మూవీ యూనిట్ తాజాగా ఈ సినిమా కలెక్షన్లకు సంబంధించి విడుదల చేసిన పోస్టర్ ప్రస్తుతం వైరల్ అవుతుంది.