కూలి మరో విక్రమ్ కానుందా.. లోకేష్ పెద్ద ప్లాన్ వేసినట్టున్నాడుగా..?
కోలీవుడ్ ఇండస్ట్రీలో స్టార్ డైరెక్టర్లలో ఒకరిగా కెరియర్ను కొనసాగిస్తున్న వారిలో లోకేష్ కనకరాజు ఒకరు. ఈయన ఇప్పటివరకు చాలా సినిమాలకు దర్శకత్వం వహించగా అందులో అన్ని మూవీలు కూడా బాక్స్ ఆఫీస్ దగ్గర అద్భుతమైన విజయాలను అందుకున్నాయి. దానితో ఈయన ప్రస్తుతం కోలీవుడ్ ఇండస్ట్రీలో స్టార్ డైరెక్టర్లలో ఒకరిగా కెరియర్ను కొనసాగిస్తున్నాడు. కొంతకాలం క్రితం లోకేష్ కనకరాజు , లోక నాయకుడు కమల్ హాసన్ హీరోగా విక్రమ్ అనే మూవీ ని రూపొందించిన విషయం మన అందరికీ తెలిసిందే. ఈ మూవీ బాక్స్ ఆఫీస్ దగ్గర అద్భుతమైన విజయాన్ని అందుకుంది.
ఇకపోతే ఈ సినిమాలో విజయ్ సేతుపతి విలన్ పాత్రలో నటించగా ... ఫహద్ ఫజిల్ ఓ కీలకమైన పాత్రలో నటించాడు. తమిళ నటుడు సూర్య ఈ సినిమాలో చిన్న క్యమియో రోల్ లో నటించాడు. ఇలా ఈ మూవీ లో చాలా మంది అత్యంత క్రేజీ ఉన్న నటులు నటించారు. ఇకపోతే ప్రస్తుతం లోకేష్ కనకరాజు , సూపర్ స్టార్ రజనీ కాంత్ హీరోగా కూలీ అనే మూవీ ని రూపొందిస్తున్నాడు. ఈ సినిమాను కూడా విక్రమ్ మాదిరిగానే లోకేష్ రూపొందిస్తున్నట్లు తెలుస్తోంది. ఈ మూవీ లో టాలీవుడ్ ఇండస్ట్రీ లో సీనియర్ స్టార్ హీరోలలో ఒకరు అయినటువంటి నాగార్జున ఓ కీలకమైన పాత్రలో కనిపించబోతున్నాడు. ఇందుకు సంబంధించిన అధికారిక ప్రకటనను కూడా ఇప్పటికే ఈ మూవీ బృందం విడుదల చేసింది.
ఇక మోస్ట్ బ్యూటిఫుల్ అండ్ వెరీ టాలెంటెడ్ నటిమని శృతి హాసన్ ఈ మూవీ లో ఓ పాత్రలో కనిపించబోతుంది. ఈ విషయాన్ని కూడా మూవీ యూనిట్ ధ్రువీకరించింది. అలాగే సౌబిన్ ఈ మూవీ లో దయల్ అనే పాత్రలో కనిపించబోతున్నాడు. ఇలా విక్రమ్ మూవీ లో మాదిరి గానే ఈ సినిమాలో కూడా అనేక మంది క్రేజీ నటులు కనిపించబోతున్నారు. మరి ఈ మూవీ కూడా విక్రమ్ రేంజ్ విజయాన్ని అందుకుంటుందో లేదో చూడాలి.