ఆ సెంటిమెంట్ రిపీట్ అయితే మళ్లీ చిరు.. చరణ్ ఇద్దరికీ బ్లాక్ బాస్టర్లు గ్యారంటీ..?
సినీ పరిశ్రమలో కొన్ని సందర్భాలలో కొన్ని సెంటిమెంట్లు రిపీట్ అయితే బ్లాక్ బస్టర్ లు బాక్స్ ఆఫీస్ దగ్గర వచ్చిన సందర్భాలు కూడా ఉన్నాయి. ఇక ఈ సంవత్సరం , వచ్చే సంవత్సరం మెగా హీరోలకు ఇలాంటి సెంటిమెంట్ ఒకటి ఎదురు కానుంది. మరి ఆ సెంటిమెంట్ తో వారికి బ్లాక్ బస్టర్ విజయాలు వస్తాయి లేదో చూడాలి. 2016 వ సంవత్సరం మెగా పవర్ స్టార్ రామ్ చరణ్ హీరోగా రకుల్ ప్రీత్ సింగ్ హీరోయిన్ గా సురేందర్ రెడ్డి దర్శకత్వంలో రూపొందిన ధ్రువ సినిమా డిసెంబర్ నెలలో విడుదల అయింది. ఇక ఈ మూవీ అద్భుతమైన విజయాన్ని అందుకుంది.
ఈ సినిమా కంటే ముందు రామ్ చరణ్ కు కొన్ని అపజయాలు ఉన్నాయి. ఇక ఈ మూవీ తో ఆయనకు అద్భుతమైన విజయం దక్కడం మాత్రమే కాకుండా ఒక సరికొత్త ఈమేజ్ కూడా దక్కింది. ఇక 2016 వ సంవత్సరం ధ్రువ మూవీ తో ప్రేక్షకులను పలకరించి మంచి విజయాన్ని రామ్ చరణ్ అందుకోగా ఆ తర్వాత 2017 వ సంవత్సరం జనవరి నెలలో సంక్రాంతి పండుగ సందర్భంగా ఆయన తండ్రి అయినటువంటి మెగాస్టార్ చిరంజీవి "ఖైదీ నెంబర్ 150" మూవీ తో ప్రేక్షకుల ముందుకు వచ్చాడు. ఈ మూవీ కూడా అద్భుతమైన విజయాన్ని అందుకుంది.
ఇకపోతే ఈ సంవత్సరం డిసెంబర్ నెలలో మెగా పవర్ స్టార్ రామ్ చరణ్ హీరోగా రూపొందిన గేమ్ చేంజర్ మూవీ ని విడుదల చేయనున్నట్లు మేకర్స్ అధికారికంగా ప్రకటించారు. ఇక వచ్చే సంవత్సరం సంక్రాంతి పండుగ సందర్భంగా జనవరి 10 వ తేదీన మెగాస్టార్ చిరంజీవి హీరోగా రూపొందుతున్న విశ్వంభర మూవీ ని కూడా విడుదల చేయనున్నట్లు ప్రకటించారు. దీనితో ధ్రువ తో చరణ్ కి ఖైదీ నెంబర్ 150 తో చిరు కి అద్భుతమైన బ్లాక్ బస్టర్ విజయాలు దక్కినట్లు గేమ్ చేంజర్ , విశ్వంభర మూవీలతో కూడా ఈ ఇద్దరు హీరోలు బాక్స్ ఆఫీస్ దగ్గర మంచి విజయాలను అందుకుంటారేమో చూడాలి.