బాలయ్య ఫ్యాన్స్ కే గుడ్ న్యూస్.. "NBK 109" వచ్చేది అప్పుడే..?
టాలీవుడ్ సీనియర్ స్టార్ హీరోలలో ఒకరు అయినటువంటి బాలకృష్ణ ప్రస్తుతం బాబి దర్శకత్వంలో రూపొందుతున్న సినిమాలో హీరో గా నటిస్తున్నాడు. ఈ మూవీ కి మేకర్స్ టైటిల్ ను ఫిక్స్ చేయకపోవడంతో ఈ మూవీ బాలయ్య కెరియర్ లో 109 వ మూవీ గా రూపొందుతున్న నేపథ్యంలో ఈ సినిమా యొక్క చిత్రీకరణను "NBK 109" అనే వర్కింగ్ టైటిల్ తో మూవీ బృందం పూర్తి చేస్తూ వస్తుంది. ఈ సినిమాను సితార ఎంటర్టైన్మెంట్ బ్యానర్ పై ప్రముఖ నిర్మాత సూర్య దేవర నాగ వంశీ నిర్మిస్తున్నాడు. ఇ
ప్పటికే ఈ మూవీ నుండి రెండు గ్లిమ్స్ వీడియోలను విడుదల చేసిన ఈ మూవీ టైటిల్ ను కానీ , ఈ సినిమా విడుదల తేదీని కానీ మేకర్స్ ప్రకటించలేదు. దానితో ఈ సినిమా టైటిల్ పై మాత్రమే కాకుండా ఈ మూవీ విడుదలపై కూడా అనేక వార్తలు వస్తున్నాయి. కాకపోతే చాలా రోజుల నుండి కూడా ఈ మూవీ ని డిసెంబర్ నెలలోనే విడుదల చేసే ఆలోచనలో మూవీ బృందం ఉన్నట్లు మాత్రం ఎక్కువ వార్తలు వస్తున్నాయి. ఇకపోతే ప్రస్తుతం అందుతున్న సమాచారం ప్రకారం ఈ మూవీ కి సంబంధించిన అన్ని పనులను డిసెంబర్ నెల వరకు పూర్తి చేసి ఈ మూవీ ని డిసెంబర్ 20 వ తేదీన విడుదల చేసే ఆలోచనలో మూవీ బృందం ఉన్నట్లు తెలుస్తుంది.
ఇకపోతే కొంత కాలం క్రితం బాలకృష్ణ హీరో గా రూపొందిన అఖండ మూవీ ని కూడా డిసెంబర్ నెలలో విడుదల చేశారు. ఆ మూవీ కంటే ముందు వరుస అపజాయలతో ఉన్న బాలకృష్ణ ఈ మూవీ తో అద్భుతమైన విజయాన్ని అందుకొని ఫుల్ ఫామ్ లోకి వచ్చాడు. ఇక బాలకృష్ణ హీరోగా రూపొందుతున్న NBK 109 మూవీ ని కూడా డిసెంబర్ నెలలో విడుదల చేసే ఆలోచనలో మూవీ బృందం ఉన్నట్లు వార్తలు వస్తున్నాయి.