చిక్కుల్లో అల్లు అర్జున్.. ఒకవైపు పుష్ప.. మరోవైపు కొత్త ప్రాజెక్ట్..?
ఐకాన్ స్టార్ అల్లు అర్జున్ కి కొత్త కొత్త సమస్యలు ఏర్పడుతున్నాయి. ఏమిటి అనుకుంటున్నారా... అల్లు అర్జున్ "పుష్ప పార్ట్ 1" మూవీతో అద్భుతమైన విజయాన్ని అందుకున్నాడు. ఈ మూవీ ద్వారా అల్లు అర్జున్ ఇండియా వ్యాప్తంగా గుర్తింపును సంపాదించుకున్నాడు. ఈ సినిమాలోని ఆయన నటనకు ఏకంగా నేషనల్ అవార్డు దక్కడంతో ఈయన క్రేజ్ మరింతగా పెరిగింది. ప్రస్తుతం పుష్ప మూవీ కి కొనసాగింపుగా పుష్ప పార్ట్ 2 మూవీ తెరకెక్కుతున్న విషయం మన అందరికీ తెలిసిందే.
పుష్ప మొదటి భాగం భారీ బ్లాక్ బస్టర్ విజయం సాధించడంతో రెండవ భాగంపై భారీ అంచనాలు ఉన్న నేపథ్యంలో ఈ సినిమాను అత్యంత భారీ బడ్జెట్ తో ఎంతో గ్రాండ్ గా తెరకెక్కిస్తున్నారు. ఈ సినిమాను ఈ సంవత్సరం ఆగస్టు 15 వ తేదీన విడుదల చేయనున్నట్లు మేకర్స్ చాలా రోజుల క్రితమే అధికారికంగా ప్రకటించారు. ఈ మూవీ విడుదల తేదీని ప్రకటించిన తర్వాత అల్లు అర్జున్ తమిళ దర్శకుడు అయినటువంటి అట్లీ దర్శకత్వంలో ఓ సినిమా చేయడానికి కూడా ఆల్మోస్ట్ రెడీ అయ్యాడు.
ఇక పుష్ప పార్ట్ 2 సినిమా కంప్లీట్ కాగానే అల్లు అర్జున్ అట్లీ దర్శకత్వంలో ఓ సినిమా చేయబోతున్నాడు, దానితో అల్లు అర్జున్ పుష్ప 2 షూటింగ్ పూర్తి అయిన తర్వాత చాలా తక్కువ రోజులే ఖాళీగా ఉంటాడు అని చాలా మంది అనుకున్నారు. కానీ సీన్ రివర్స్ అయింది. ఓ వైపు చూస్తే పుష్ప పార్ట్ 2 ఆగస్టు 15 నుండి డిసెంబర్ 6 వ తేదీకి పోస్ట్ పోన్ అయ్యింది. ఇక అట్లీ ప్రాజెక్ట్ క్యాన్సిల్ అయింది. దానితో అల్లు అర్జున్ అనుకున్న సమయానికి పుష్ప విడుదల కాకపోవడం , అట్లీ సినిమా కూడా క్యాన్సల్ కావడంతో కొత్త సినిమాను లైన్ లో పెట్టడానికి చూస్తున్నట్లు తెలుస్తోంది.