అల్లు అర్జున్ సినిమా కోసం అట్లీ ఏకంగా అన్ని కోట్లు డిమాండ్ చేశాడా..?
తమిళ సినీ పరిశ్రమలో సూపర్ క్రేజ్ కలిగిన దర్శకులలో ఒకరు ఈయన అట్లీ రాజా రాణి అనే మూవీ తో దర్శకుడిగా కెరియర్ ను మొదలు పెట్టి మొదటి మూవీ తోనే అద్భుతమైన విజయాన్ని అందుకొని సూపర్ క్రేజ్ ను సంపాదించుకున్నాడు. ఈ సినిమా తెలుగులో కూడా మంచి విజయం సాధించడంతో మొదటి మూవీ తోనే ఈ దర్శకుడికి తమిళ్ తో పాటు తెలుగులో కూడా మంచి గుర్తింపు ఏర్పడింది. ఇక ఆ తర్వాత ఈయన వరుసగా విజయ్ హీరోగా రూపొందిన తేరి , మెర్సెల్ , బిగిల్ సినిమాలకు దర్శకత్వం వహించి మూడింటితో కూడా మంచి విజయాలను అందుకొని కోలీవుడ్ ఇండస్ట్రీలో సూపర్ స్థాయి ఉన్న దర్శకుడిగా మారిపోయాడు.
ఈ మూడు సినిమాలు కూడా తెలుగులో విడుదల అయ్యి అద్భుతమైన విజయాన్ని అందుకున్నాయి. కొన్ని రోజుల క్రితం ఈ దర్శకుడు బాలీవుడ్ స్టార్ హీరోలలో ఒకరు అయినటువంటి షారుక్ ఖాన్ హీరోగా రూపొందిన జవాన్ అనే సినిమాకు దర్శకత్వం వహించాడు. ఈ మూవీ భారీ అంచనాల నడుమ హిందీ , తమిళ్ , తెలుగు భాషలలో విడుదల అయ్యింది. ఈ సినిమా ఏకంగా 1000 కోట్లకు పైగా కలెక్షన్లను కొల్లగొట్టి అద్భుతమైన విజయాన్ని అందుకుంది.
ఇలాంటి బ్లాక్ బస్టర్ సినిమా తర్వాత ఈ దర్శకుడు టాలీవుడ్ స్టార్ హీరోలలో ఒకరు అయినటువంటి అల్లు అర్జున్ తో మూవీ చేయడానికి కమిట్ అయ్యాడు. ఆల్మోస్ట్ వీరిద్దరి కాంబోలో మూవీ సెట్ అయినట్లే తెలుస్తుంది. ఈ సినిమా కోసం అట్లీ దిమ్మ తిరిగిపోయే రెమ్యూరేషన్ ను డిమాండ్ చేస్తున్నట్లు ఓ వార్త వైరల్ అవుతుంది. ఇప్పటివరకు ఈయన దర్శకత్వం వహించిన ప్రతి సినిమా విజయం సాధించడం , అలాగే ఆఖరుగా అట్లీ దర్శకత్వం వహించిన జవాన్ మూవీ 1000 కోట్లకు పైగా కలెక్షన్లను కొల్లగొట్టడంతో ఈ దర్శకుడు ఏకంగా తన రెమ్యూనిరేషన్ గానే 100 కోట్లు డిమాండ్ చేస్తున్నట్లు ఓ వార్త ప్రస్తుతం సోషల్ మీడియాలో వైరల్ అవుతోంది.