"గేమ్ చేంజర్" మరింత ఆలస్యం... కారణం అదే..?
గ్లోబల్ స్టార్ రామ్ చరణ్ హీరోగా కియారా అద్వానీ హీరోయిన్ గా శంకర్ దర్శకత్వంలో చాలా రోజుల క్రితం గేమ్ చెంజర్ అనే మూవీ మొదలు అయిన విషయం మన అందరికీ తెలిసిందే. ఈ సినిమా మొదలు అయిన సమయంలో శంకర్ కేవలం ఈ సినిమాకు మాత్రమే కమిట్ అయి ఉన్నాడు. శంకర్ , గేమ్ చేంజర్ మూవీ కంటే ముందే ఇండియన్ 2 అనే సినిమాను ప్రారంభించాడు. కాకపోతే కొన్ని అనివార్య కారణాల వల్ల ఆ సినిమా ఆగిపోయింది. దానితో ఆ సినిమాను ఆల్మోస్ట్ ఆపివేసినట్లే అనే ఉద్దేశంతో శంకర్ , చరణ్ తో మూవీకి కమిట్ అయ్యాడు.
కానీ ఆ తర్వాత మళ్లీ ఇండియన్ 2 మూవీ ని ప్రారంభించడంతో శంకర్ కొన్ని రోజులు ఇండియన్ 2 షూటింగ్ ను మరికొన్ని రోజులు గేమ్ చేంజర్ షూటింగ్ ను తెరకెక్కిస్తూ రావడంతో రెండు సినిమాల షూటింగ్ కూడా లేట్ అవుతూ వచ్చింది. ముందుగా ప్రారంభించిన ఇండియన్ 2 మూవీ షూటింగ్ కొన్ని రోజుల క్రితమే పూర్తి అయింది. ఈ సినిమాని జూన్ నెలలో విడుదల చేయనున్నట్లు మేకర్స్ ప్రకటించారు. ఇక గేమ్ చేంజర్ మూవీ ని ఈ సంవత్సరం సెప్టెంబర్ లేదా అక్టోబర్ నెలలో విడుదల చేసే ఆలోచనలో ఉన్నట్లు ఈ మూవీ బృందం వారు ప్రకటించారు.
ఇకపోతే జూన్ లో అనుకున్న ఇండియన్ 2 మూవీ పోస్ట్ పోన్ అయినట్లు తెలుస్తోంది. ఈ సినిమాకు సంబంధించిన చాలా పనులు పెండింగ్ ఉండడంతో ఈ సినిమా పనులన్నింటినీ పూర్తి చేసి మళ్లీ గేమ్ చేంజర్ పై శంకర్ కాన్సన్ట్రేషన్ పెట్టనున్నట్లు దానితో ఈ సంవత్సరం అక్టోబర్ , నవంబర్ నెలలో గేమ్ చేంజర్ విడుదల అయ్యే అవకాశం లేదు అని , ఒక వేళ ఈ సంవత్సరం డిసెంబర్ నెలలో గేమ్ చేంజెర్ సినిమా విడుదల అయ్యే అవకాశాలు ఉన్నట్లు వార్తలు వస్తున్నాయి.