"గీతాంజలి 2" సెన్సార్ కార్యక్రమాలు పూర్తి..!
తెలుగు సినీ పరిశ్రమలో మంచి గుర్తింపు కలిగిన నటీమణులలో ఒకరు అయినటువంటి అంజలి కొంత కాలం క్రితం గీతాంజలి అనే హార్రర్ కామెడీ జోనర్ సినిమాలో ప్రధాన పాత్రలో నటించి మంచి విజయాన్ని అందుకుంది. ఈ మూవీ కి కొనసాగింపుగా తాజాగా ఈ బ్యూటీ గీతాంజలి మళ్లీ వచ్చింది అనే సినిమాలో ప్రధాన పాత్రలో నటించింది. శివ తుర్లపాటి దర్శకత్వంలో రూపొందిన ఈ మూవీ ని కోన వెంకట్ , ఎం వీ వీ సత్యనారాయణ నిర్మించారు. ఈ మూవీ లో శ్రీనివాస్ రెడ్డి , సత్యం రాజేష్ , షకలక శంకర్ , ఆలీ , సత్య , సునీల్ పాత్రలలలో నటించారు.
ఈ మూవీ ని ఏప్రిల్ 11 వ తేదీన థియేటర్ లలో విడుదల చేయనున్నారు. ఈ సినిమా విడుదల తేదీ దగ్గర పడడంతో ఇప్పటికే ఈ మూవీ బృందం వారు ఈ సినిమాకు సంబంధించిన ప్రమోషన్ లను కూడా మొదలు పెట్టారు. అందులో భాగంగా కొన్ని రోజుల క్రితమే ఈ మూవీ బృందం ఈ సినిమా యొక్క ట్రైలర్ ను విడుదల చేయగా దానికి పర్వాలేదు అనే స్థాయిలో జనాల నుండి రెస్పాన్స్ లభించింది. ఇకపోతే తాజాగా ఈ మూవీ యూనిట్ ఈ సినిమాకు సంబంధించిన సెన్సార్ కార్యక్రమాలను పూర్తి చేశారు. అందుకు సంబంధించిన అధికారిక ప్రకటనను కూడా తాజాగా విడుదల చేశారు.
ఈ మూవీ కి సెన్సార్ బోర్డు నుండి యు / ఎ సర్టిఫికెట్ లభించింది. ఈ విషయాన్ని ఈ చిత్ర బృందం తాజాగా అధికారికంగా ప్రకటిస్తూ ఓ పోస్టర్ ను కూడా విడుదల చేసింది. ఇకపోతే ఇప్పటికే గీతాంజలి మూవీ సూపర్ హిట్ విజయాన్ని అందుకోవడంతో ఆ మూవీ కి కొనసాగింపుగా రాబోతున్న మూవీ కావడంతో ఈ సినిమాపై ప్రస్తుతానికి తెలుగు ప్రేక్షకుల్లో మంచి అంచనాలు ఉన్నాయి.