కొంత కాలం క్రితం డీజే టిల్లు అనే మూవీ మామూలు అంచనాల నడుమ థియేటర్ లలో విడుదల అయిన విషయం మన అందరికీ తెలిసిందే. ఈ మూవీ లో సిద్దు జొన్నలగడ్డ , నేహా శెట్టి హీరో , హీరోయిన్ లుగా నటించారు. ఈ సినిమా విడుదలకు ముందు వీరిద్దరికీ కూడా పెద్దగా క్రేజ్ లేదు. ఇక ఈ మూవీ విడుదల అయిన మొదటి రోజు మొదటి షో నుండే అద్భుతమైన టాక్ ను ప్రపంచ వ్యాప్తంగా తెచ్చుకుంది. దానితో ఈ సినిమా కలెక్షన్ లు రోజురోజుకు పెరుగుతూ వచ్చాయి.
చివరగా ఈ సినిమా 17 కోట్ల 25 లక్షల కలెక్షన్ లను అందుకొని ఆ సమయంలో భారీ బ్లాక్ బస్టర్ విజయాన్ని బాక్స్ ఆఫీస్ దగ్గర నమోదు చేసుకుంది. ఇకపోతే ఈ మూవీ లో సిద్దు నటనకు అద్భుతమైన ప్రశంసలు ప్రేక్షకుల నుండి లభించాయి. ఇది ఇలా ఉంటే డీజే టిల్లు మూవీ కి కొనసాగింపుగా తాజాగా టిల్లు స్క్వేర్ అనే మూవీ రూపొందింది. ఈ సినిమాను మార్చి 29 వ తేదీన థియేటర్ లలో విడుదల చేశారు. అనుపమ పరమేశ్వరన్ ఈ సినిమాలో హీరోయిన్ గా నటించగా ... మల్లిక్ రామ్ ఈ మూవీ కి దర్శకత్వం వహించాడు.
ఈ సినిమా బాక్స్ ఆఫీస్ దగ్గర సూపర్ పాజిటివ్ టాక్ ను తెచ్చుకోవడంతో ఇప్పటికే ఈ మూవీ దాదాపుగా 30 కోట్ల కలెక్షన్ లను బాక్స్ ఆఫీస్ దగ్గర రాబట్టింది. ఇక డీజే టిల్లు మూవీ లైఫ్ టైం కలెక్షన్ లను టిల్లు స్క్వేర్ మూవీ దాదాపు రెండు రోజుల్లోనే కలెక్ట్ చేసేసింది. ఇలా టిల్లు స్క్వేర్ మూవీ బాక్స్ ఆఫీస్ దగ్గర సూపర్ సాలిడ్ విజయాన్ని అందుకుంది. ఈ మూవీ కి మరికొన్ని రోజుల పాటు కూడా అదిరిపోయే రేంజ్ కలెక్షన్ లు బాక్స్ ఆఫీస్ దగ్గర లభించే అవకాశాలు కనిపిస్తున్నాయి.