ఈనెల 26 నుండి విశ్వంభరా కొత్త షెడ్యూల్.. ఇందులో జాయిన్ కానున్న ఇద్దరు క్రేజీ బ్యూటీలు..?
మెగాస్టార్ చిరంజీవి కొంత కాలం క్రితమే భోళా శంకర్ అనే మూవీ తో ప్రేక్షకుల ముందుకు వచ్చాడు. మంచి అంచనాల నడుమ విడుదల అయిన ఈ సినిమా బాక్స్ ఆఫీస్ దగ్గర ఘోర పరాజయాన్ని ఎదుర్కొంది. ఇకపోతే ఈ మూవీ తర్వాత చిరంజీవి , మల్లాడి వశిష్ట దర్శకత్వంలో రూపొందబోయే సినిమాలో నటించడానికి గ్రీన్ సిగ్నల్ ఇచ్చాడు. కొన్ని రోజుల క్రితమే ఈ మూవీ షూటింగ్ కూడా ప్రారంభం అయింది. ఈ మూవీ చిరంజీవి కెరీర్ లో 156 వ మూవీ గా రూపొందుతుంది.
ఇకపోతే కొంత కాలం క్రితమే ఈ చిత్ర బృందం ఈ సినిమాకు విశ్వంభర అనే టైటిల్ ను కన్ఫామ్ చేసింది. ఇక ఈ సినిమాలో మోస్ట్ బ్యూటిఫుల్ నటిమని త్రిష హీరోయిన్ గా నటిస్తూ ఉండగా ... ఈ మూవీ ని యు వి క్రియేషన్స్ బ్యానర్ వారు భారీ బడ్జెట్ తో నిర్మిస్తున్నారు. ఈ మూవీ కి ఏం ఏం కీరవాణి సంగీతం అందిస్తూ ఉండగా ... యువ హీరోయిన్ లు అయినటువంటి ఇషా చావ్లా , సురభి కూడా ఈ మూవీ లో ముఖ్యమైన పాత్రలలో కనిపించబోతున్నట్లు తెలుస్తోంది. ఇకపోతే ఇప్పటికే ఈ సినిమాకు సంబంధించిన రెండు షెడ్యూల్ ల షూటింగ్ పూర్తి అయ్యింది.
అందులో మొదటి షెడ్యూల్ ను చిరంజీవి , త్రిష లేకుండా ఈ చిత్ర బృందం చిత్రీకరించింది. రెండవ షెడ్యూల్ లో చిరంజీవి , త్రిష పై ఈ చిత్ర బృందం కొన్ని కీలక సన్నివేశాలను చిత్రీకరించింది. ఇకపోతే ఈ నెల 26 వ తేదీ నుండి ఈ మూవీ కి సంబంధించిన మూడవ షెడ్యూల్ ప్రారంభం కాబోతోంది. ఇందులో చిరంజీవి , త్రిష తో పాటు యువ హీరోయిన్ లు అయినటువంటి ఇషా చావ్లా , సురభి కూడా జాయిన్ కాబోతున్నట్లు తెలుస్తోంది. ఈ షెడ్యూల్ లో ఈ మూవీ కి సంబంధించిన చాలా కీలక సన్నివేశాలను చిత్రీకరించబోతున్నట్లు తెలుస్తోంది.