అరి సినిమా ఫై ఫోకస్ చేసిన బాలీవుడ్ కోలీవుడ్!
పేపర్ బాయ్ సినిమా ద్వారా దర్శకుడిగా ఎంతో మంచి గుర్తింపు సంపాదించుకున్నటువంటి వారిలో డైరెక్టర్ జయశంకర్ తాజాగా అరి సినిమా ద్వారా ప్రేక్షకుల ముందుకు రావడానికి సిద్ధంగా ఉన్నారు. ఈ సినిమాను షడ్రుచులు, అరిషడ్వర్గాలు అంటూ ఇలా ఒక వినూత్న కాన్సెప్ట్తో ఎంపిక చేశారు. ఇక ఈ సినిమాలో భారీ తారాగణం నటిస్తున్నారనే సంగతి మనకు తెలిసిందే.
అనసూయ, సాయి కుమార్, శుభలేఖ సుధాకర్ వంటి వారు నటించారు. కమెడియన్ హర్ష, శ్రీకాంత్ అయ్యంగార్లు కూడా ముఖ్య పాత్రలను పోషించారు. అయితే ఈ మూవీకి సంబంధించిన ఒక వార్త సోషల్ మీడియాలో వైరల్ గా మారింది. ఈ సినిమాని ఇతర భాషలలోకి రీమేక్ చేయాలనే ఆలోచనలో ఉన్నట్టు సమాచారం కోలీవుడ్ ఇండస్ట్రీలో హీరోగా ఎంతో మంచి సక్సెస్ అయినటువంటి శివ కార్తికేయన్ ఇటీవల జనసేన ప్రమోషన్లలో భాగంగా డైరెక్టర్ జయశంకర్ ను కలిశారు.
ఈ సమయంలోనే ఈ సినిమాపై శివ కార్తికేయ ప్రశంశలు కురిపించుటమే కాకుండా ఈ సినిమాని రీమేక్ చేయాలని ఆలోచనలో ఉన్నారని కూడా వెల్లడించారు. ఇక కోలీవుడ్ చిత్ర పరిశ్రమలో మాత్రమే కాకుండా బాలీవుడ్ ఇండస్ట్రీలో కూడా ఈ సినిమాని రీమేక్ చేయాలని భావించారట ప్రముఖ స్టార్ హీరో అభిషేక్ బచ్చన్ కూడా ఈ సినిమాని హిందీలో రీమేక్ చేయాలనే ఆలోచనలో ఉన్నారని తెలుస్తుంది. ఇలా ఇతర భాష చిత్రాలలో కూడా ఈ సినిమాని రీమేక్ చేయాలనే ఆలోచించడంతో ఈ సినిమాపై మరిన్ని అంచనాలు పెరిగాయి త్వరలోనే ఈ సినిమా విడుదలకు సిద్ధం కానుంది.