హనుమాన్: గ్లోబల్ లెవెల్ లో ప్లానింగ్..?
ప్రశాంత్ వర్మ డైరెక్టర్ గా తేజా సజ్జ హీరోగా ఈ సంక్రాంతికి వచ్చిన హనుమాన్ సినిమా సంక్రాంతి సెలవులని క్యాష్ చేసుకొని దేవుడి సెంటిమెంట్ తో బాగా ఆడుతుంది. ప్రస్తుతం దేశంలో హిందుత్వం బాగా ట్రెండ్ అవుతున్న క్రమంలో ఈ నేపథ్యంలో వచ్చిన సినిమాలన్నీ బిగ్గెస్ట్ బ్లాక్ బస్టర్ హిట్లు అవుతున్నాయి.అలాగే ఆంజనేయ స్వామి నేపథ్యంలో రూపొందిన ఈ చిత్రం సత్తా చాటుతోంది.ముఖ్యంగా దేశ వ్యాప్తంగా అన్ని ప్రాంతాల్లో కూడా ఈ సినిమా భారీ రెస్పాన్స్ ను సొంతం చేసుకుంటూ దూసుకుపోతోంది. సోషియో ఫాంటసీ జోనర్లో సంక్రాంతి కానుకగా వచ్చిన ఈ సినిమా పాజిటివ్ టాక్ దక్కించుకుని ఇప్పటికే రూ.200 కోట్ల క్లబ్ లోకి అడుగుపెట్టేసింది. ఎటువంటి స్టార్ నటీనటులు లేకుండా రూ.200 కోట్ల క్లబ్ లో అడుగుపెట్టిన మొదటి సినిమాగా కూడా నిలిచింది.అయితే ఈ మూవీని భారతీయ భాషలతో పాటు విదేశీ భాషల్లో కూడా రిలీజ్ చేయాలని మూవీ యూనిట్ ప్లాన్ చేస్తుంది.
ఇంగ్లిష్, స్పానిష్, కొరియన్, చైనీస్, జపనీస్లో ఈ సినిమాని విడుదల చేస్తామని ప్రకటించింది. అందుకు తాజాగా సన్నాహాలు కూడా ప్రారంభించినట్లు సమాచారం.అగ్రిెమెంట్లు కూడా జరిగినట్లు సమాచారం తెలుస్తోంది.త్వరలోనే ఆ భాషల్లో ఈ సినిమా విడుదల అవ్వనుందట.దీనిపై ఇంకా అధికారిక ప్రకటన రావాల్సి ఉంది.హనుమాన్ సినిమాని ప్రైమ్ షో ఎంటర్టైన్ మెంట్ పతాకంపై నిరంజన్ రెడ్డి నిర్మించారు. ఈ సినిమాలో తేజ సరసన అమృత అయ్యర్ హీరోయిన్గా నటించారు. వరలక్ష్మి శరత్ కుమార్, వినయ్ రాయ్, రాజ్ దీపక్ శెట్టి, వెన్నెల కిశోర్ ఇంకా గెటప్ శీను కీలకపాత్రలు పోషించారు. హనుమాన్ వల్ల అతీత శక్తులు పొందిన యువకుడి పాత్రను ఈ మూవీలో పోషించారు హీరో తేజ సజ్జా.ప్రశాంత్ వర్మ సినిమాటిక్ యూనివర్స్ (PVCU)లో తొలి సినిమాగా హనుమాన్ వచ్చింది. ఆ యూనివర్స్ లో రెండో చిత్రమైన జై హనుమాన్ సినిమా ప్రీ ప్రొడక్షన్ వర్క్స్ ను అయోధ్యలో బాల రాముడి విగ్రహ ప్రాణప్రతిష్ఠ సందర్భంగా ప్రారంభించినట్లు ప్రశాంత్ వర్మ తాజాగా తెలిపారు. వచ్చే ఏడాది సంక్రాంతికి ఈ సినిమా విడుదల అయ్యే అవకాశం ఉంది.