సినిమా ఓకె చైతు.. క్లారిటీ ఇవ్వలేదే..!!
అక్కినేని నాగచైతన్య కెరీర్ లో 22వ సినిమా యొక్క అధికారిక ప్రకటన నిన్న వచ్చింది. ప్రముఖ తమిళ దర్శకుడు వెంకట్ ప్రభు దర్శకత్వంలో ఆయన తన తదుపరి సినిమా చేస్తూ ఉండగా మొన్నటిదాకా ఈ చిత్రంపై ఎన్నో రకాల ఊహాగానాలు వచ్చాయి. ఈ సినిమా తమిళంలో సూపర్ హిట్ అయిన మానాడు చిత్రానికి రీమేక్ గా తెరకెక్కుతున్నదని కొంత మంది చెప్పారు. ఇంకా కొంతమంది ఒక పిరియాడికల్ సినిమాను తెరకెక్కిస్తున్నారు అని చెప్పారు. అయితే వీటిలో ఏ క్లారిటీ ఇవ్వక ముందే ఈ సినిమాను మొదలు పెట్టు కోవడం ఇప్పుడు అక్కినేని అభిమానులను ఎంతో ఆశ్చర్యపరుస్తుంది.
తమ అభిమాన హీరో సినిమా ఏమిటో అన్న విషయం తెలియకుండానే ఈ సినిమా మొదలు పెట్టు కోవడానికి ముందుకు వెళ్లడం నిజంగా అందరినీ ఆశ్చర్యపరిచే విషయమే. ఇక గత కొన్ని సంవత్సరాలుగా మంచి విజయాలను అందుకుంటున్న ఈ హీరో పోయిన ఏడాది లవ్ స్టోరీ సినిమాతో సూపర్ హిట్ అందుకోగా ఈ ఏడాది మొదట్లో బంగార్రాజు సినిమాతో మరో విజయాన్ని తన ఖాతాలో వేసుకున్నాడు. ఇప్పుడు విక్రమ్ కుమార్ దర్శకత్వంలో థ్యాంక్యు అనే ఓ వినూత్నమైన సినిమా చేస్తున్నాడు. విభిన్నమైన సినిమాలను తెరకెక్కించే దర్శకుడు గా పేరున్న విక్రం తో కలిసి మరొక సినిమా చేస్తున్న నాగచైతన్య ఈ చిత్రాన్ని ఎంతో వైవిధ్యభరితంగా తెరకెక్కించాడని చెబుతున్నారు.
రాశి కన్నా హీరోయిన్ గా నటిస్తున్న ఈ సినిమా ఈ ఏడాది ద్వితీయార్థంలో విడుదల చేయాలని భావిస్తూ ఉండగా ఎన్నో అంచనాల మధ్య తెరకెక్కుతున్న ఈ చిత్రం ఏ స్థాయిలో విజయాన్ని అందుకుంటుందో చూడాలి. ఇక ఈ సినిమా తరువాత ఆయన నందినీరెడ్డి దర్శకత్వంలో మరియు విజయ్ కనకమేడల దర్శకత్వంలో కూడా ఓ సినిమా చేయాలని భావిస్తున్నాడు. అలా మూడు సినిమాలతో ఇప్పుడు నాగచైతన్య తన భవిష్యత్తు సినిమాలతో ఫుల్ బిజీగా ఉన్నాడు అని చెప్పాలి. వీటితో ఆయన ఏ స్థాయి విజయాలను, క్రేజ్ ను, మార్కెట్ ను సంపాదించుకుంటారో చూడాలి.