బాలు సినిమా అందుకే ప్లాప్ అయ్యిందా?
1998 వ సంవత్సరంలో పవర్ స్టార్ పవన్ కళ్యాణ్- కరుణాకరణ్ కాంబినేషన్లో వచ్చిన 'తొలిప్రేమ' సినిమా ఎంత పెద్ద హిట్ అయ్యిందో ప్రత్యేకంగా చెప్పనవసరం లేదు.క్లాస్, మాస్ ఇంకా ఫ్యామిలీస్ అనే తేడా లేకుండా అన్ని వర్గాల ప్రేక్షకుల్ని అలరించిన ప్రేమకథా సినిమా ఇది.ఇప్పటికీ కూడా ఈ 'తొలిప్రేమ' సినిమా బుల్లితెర పై ప్రసారమవుంటుంది అంటే చూస్తూ చాలా ఎంజాయ్ చేసే ప్రేక్షకులు ఎంతో మంది ఉన్నారు.ఇదో ఎవర్ గ్రీన్ క్లాసిక్ సినిమా అంటూ ఈ చిత్రాన్ని కొనియాడేవారి సంఖ్య కూడా చాలా పెద్దదే.అయితే ఇదే కాంబినేషన్లో దాదాపు 7 సంవత్సరాల తర్వాత 'బాలు' అనే సినిమా వస్తుంది అంటే ఎన్ని అంచనాలు నెలకొంటాయి. పవర్ స్టార్ పవన్ కళ్యాణ్ సరసన శ్రీయ శరన్ ఇంకా నేహా ఒబెరాయ్ వంటి ఇద్దరు భామలు హీరోయిన్లు కాగా.. 'వైజయంతి మూవీస్' వంటి పెద్ద సంస్థ పై అశ్వినీదత్ గారు ఈ సినిమాని భారీ బడ్జెట్ తో నిర్మిస్తుండడంతో ఆ అంచనాలు అనేవి తారా స్థాయికి చేరుకున్నాయి. అయితే ఆ అంచనాలను 'బాలు' సినిమా అందుకోలేకపోయింది.
ఇక బాక్సాఫీస్ వద్ద కొంతగా రాణించినప్పటికీ ఆ తర్వాత ఈ సినిమా చేతులెత్తేసింది.ఇక ఈ సినిమా అనుకున్న ఫలితాన్ని ఇవ్వకపోవడానికి కారణమేంటి అని దర్శకుడు కరుణాకరణ్ ను ఓ సందర్భంలో ప్రశ్నిస్తే.. ' బాలు చాలా మంచి కథ. ఈ సినిమాలో కొన్ని సీన్లు చాలా బాగా వచ్చాయి.కానీ ఆ సమయంలో అవి ప్రేక్షకులకు అంతగా కనెక్ట్ అవ్వలేదు. 'తొలిప్రేమ' సినిమా కాంబినేషన్ కాబట్టి అంచనాలు చాలా భారీగా పెరిగిపోయాయి. అందుకు తగ్గట్టు నేను స్క్రీన్ ప్లే ప్లాన్ చేసుకోవాల్సింది.అది టోటల్ గా నా ఫాల్ట్. అన్నయ్య పవన్ కళ్యాణ్ గారు నన్ను ఎంతో నమ్మి చేసిన సినిమా అది.సినిమా ఫలితం అనుకున్న స్థాయిలో రాకపోయినా.. ఇప్పటికీ అన్నయ్య నాతో సినిమా చేయడానికి రెడీ గానే ఉన్నట్టు చాలా సందర్భాల్లో చెప్పారు. ఆయన ఒక్కసారి 'కరుణ్ సినిమా చేద్దాం' అంటే ఇక వెంటనే మా కాంబినేషన్లో సినిమా మొదలైపోతుంది' అంటూ కరుణాకరణ్ చెప్పుకొచ్చాడు. ఇక ఈరోజుతో 'బాలు' సినిమా విడుదల అయ్యి 17ఏళ్ళు పూర్తివస్తోంది.