"పూరి - బన్నీ" వేసిన ప్లాన్ ఇదేనా ?
టాలీవుడ్ ఇప్పుడిపుడే మళ్ళీ కళకళలాడుతోంది. కరోనా కారణంగా రెండు సంవత్సరాల నుండి సరైన ఎంటర్ టైన్మెంట్ లేక ప్రేక్షకులు బాగా ఇబ్బంది పడ్డారు. ముఖ్యంగా థియేటర్ లో సంతోషంగా సినిమా చూసి ఎన్ని రోజులయిందో. అయితే వీటన్నింటికీ శుభం కార్డు పడేలా కరోనా కాస్త గ్యాప్ ఇచ్చింది. ఈ గ్యాప్ ను సరిగ్గా ఉపయోహించుకుంటున్నారు టాలీవుడ్ సినీ నిర్మాతలు మరియు దర్శకులు. ఇప్పటికే షూటింగ్ మధ్యలో ఆగిపోయిన ప్రాజెక్టులను పూర్తి చేసుకుంటూ, కొత్త ప్రాజెక్టులను సైతం లైన్ లో పెడుతున్నారు. ఇప్పటికే కొన్ని సినిమాల విడుదల తేదీలను ప్రకటించగా, మరి కొన్ని సినిమాలు షూటింగ్ దశలో ఉన్నాయి. అయితే పూరి జగన్నాధ్ ఇప్పటికే విజయ్ దేవరకొండతో లైగర్ సినిమా చిత్రీకరణలో బిజీగా ఉన్నారు. అయినా కానీ మరో సినిమాను ప్లాన్ చేస్తున్నట్లుగా సమాచారం అందుతోంది.