బర్త్ డే స్పెషల్ : అందాల తార..రంభ
ఒకప్పుడు తెలుగు కుర్రకారును ఉర్రూతలూగించిన హీరోయిన్ రంభ. సినీ ఇండస్ట్రీలో తనకంటూ ఒక ప్రత్యేక ఇమేజ్ ను సంపాదించుకుని అందరి మనసుల్లో తనకంటూ ఒక గుర్తింపును సంపాదించుకున్నారు. తన అందం, అభినయంతో అప్పట్లో సినీ పరిశ్రమను షేక్ చేశారు. దర్శకుడు ఈవీవీ సత్యనారాయణ తీసిన ఆ ఒక్కటి అడక్కు సినిమా ద్వారా రంభ తెలుగు ఇండస్ట్రీకి పరిచయం అయింది. రంభది విజయవాడ. ఈ హీరోయిన్ అసలు పేరు విజయలక్ష్మి. నేడు ఆమె జన్మదినం జరుపుకుంటున్నారు.
సినిమాల్లోకి వచ్చాక రంభగా తన పేరును మార్చుకుని తెలుగు చలన చిత్ర రంగాన్ని ఒక ఊపు ఊపింది.టాలీవుడ్‌తో పాటు బాలీవుడ్, తమిళ సినిమాల్లో తనకంటూ ప్రత్యేక గుర్తింపు తెచ్చుకుంది. అందరి అగ్ర హీరోల సరసన ఆడి పాడింది. హీరోయిన్ రంభ టాలీవుడ్ లో చిరంజీవి, బాలయ్య, వెంకటేష్, నాగార్జున లాంటి అగ్ర హీరోలందరితో ఆడిపాడింది. అందుకే టాలీవుడ్ లో రంభ స్టార్ హీరోయిన్ గా ఒక వెలుగు వెలిగింది.దశాబ్థ కాలం పాటు లీడింగ్ లేడీగా దూసుకుపోయింది.