మహేష్ ట్విటర్ పై కామెంట్స్ !
ఎన్నికల ఫలితాలను తమ టాప్ హీరోల ఇమేజ్ కి లింక్ చేస్తూ టాప్ హీరోల అభిమానులు వెబ్ మీడియాలో పోస్ట్ చేస్తున్న కామెంట్స్ ఆశ్చర్యంగా ఉంటున్నాయి. తన బావ గల్లా జయదేవ్ చాల గొప్ప వ్యక్తి అని అటువంటి వ్యక్తిని గుంటూరు వాసులు నెగ్గించుకోవాలని ఎన్నికల సంరంభం మధ్యలో మహేష్ బాబు తన అభిమానులకు ట్విటర్ ద్వారా పిలుపు ఇచ్చిన సంగతి తెలిసిందే.
అయితే చంద్రబాబు హవా వల్లనో లేక మోడీ గాలి వల్లనో మొట్టమొదటి ప్రయత్నంలోనే మహేష్ బావ గల్లా జయదేవ్ ఎన్నికలలో విజయం సాధించారు, అయితే ఇంత వరకు బాగానే ఉంది. జయదేవ్ సాధించిన విజయాన్ని మహేష్ బాబు క్రేజ్ కు ముడి పెడుతూ వెబ్ మీడియాలో మహేష్ అభిమానులు పెడుతున్న పోస్టింగ్స్ సంచలనంగా మారాయి.
పవన్ కళ్యాణ్ మండుతున్న ఎండలలో చెమటలు కక్కుతూ ప్రచారం చేసి బాబు-మోడీలకు విజయాన్ని తెచ్చిపెడితే తన ఇంటి నుండి కాలు కదపకుండా చక్కగా ‘ఆగడు’ సినిమా షూటింగ్ చేసుకుంటూ మహేష్ పెట్టిన ఒకేఒక్క ట్విటర్ జయదేవ్ కు విజయాన్ని అందించింది అని అత్యుత్సాహంతో మహేష్ అభిమానులు పెడుతున్న కామెంట్స్ చూస్తూ ఉంటే నేటి టాప్ హీరోల అభిమానులకు తమ హీరోల గొప్పతనం పై ఉన్న నమ్మకం మరోసారి ఋజువు చేస్తున్నా కనీస విషయాలలో కూడా తమ బుర్రను వారు ఉపయోగించడం లేదా అనే సందేహం ఎవరికైనా వస్తుంది.