భరత్ అనే నేను...రంగస్థలం...ఫినిష్ ...ఇప్పుడు బాహుబలి వైపు... గీత గోవిందం చూపు...
410 థియేటర్లలో
25వ రోజును పూర్తి చేసుకుంటోంది గీత గోవిందం అదీ విజయ విజయవిహారం చేస్తూ. తెలుగునాట ఈ సినిమా 304 థియేటర్లలో
ఆడుతోందని, మిగతా 104 దియేటర్లు రెస్టాఫ్ ఇండియా, ప్రపంచ వ్యాప్తంగా ప్రదర్శితం అవుతోందని దీని దర్శక నిర్మాతలు ప్రకటించారు.
ఈ ఏడాది టాలీవుడ్ బ్లాక్ బస్టర్ సినిమాల్లో ఒకటిగా నిలుస్తున్న ‘గీతగోవిందం’మరో రికార్డును అందుకుంది. నేటితో 25 రోజుల ప్రదర్శనను పూర్తి చేసుకుంటున్న ఈ సినిమా అత్యధిక థియేటర్లలో ప్రదర్శితం అవుతూ అరుదైన రికార్డును సాధించింది. గతదశాబ్దకాలంలో ఏ సినిమా కూడా ప్రదర్శితంకాని రీతిలో, గీతగోవిందం అత్యధిక థియేటర్ల లో వసూళ్ళు వర్షం కురిపిస్తూ ప్రదర్శితమవుతోంది.
ఇప్పటికే ఈ సినిమా కలెక్షన్స్ విషయంలో సంచలనాలు నమోదు చేసింది. వంద కోట్ల రూపాయలకు పైగా గ్రాస్ వసూళ్లను, అరవై కోట్ల రూపాయలకు పైగా షేర్ వసూళ్లను సాధించింది. ఇప్పటికీ ఈ సినిమా వసూళ్ల ధాటి కొనసాగుతూ ఉంది. పోటీకి చాలా సినిమాలే వచ్చినా ‘గీతగోవిందం’ మాత్రం తన సత్తాను చూపిస్తోంది.