అమెరికా సెక్స్ రాకెట్ పై స్పందించిన రెజీనా!
ఎస్ఎంఎస్ సినిమాతో హీరోయిన్ గా పరిచయం అయిన రెజీనా తర్వాత తెలుగు, తమిళ, హిందీ ఇండస్ట్రీలో నటిస్తుంది. ఈ మద్య అమెరికాలో టాలీవుడ్ లో సెక్స్ రాకేట్ భాగోతం పెను సంచలనలు రేపాయి. అమెరికా సెక్స్ రాకెట్ వ్యవహారంలో తన పేరు ఉన్నట్టు వస్తున్న వార్తలపై నటి రెజీనా స్పందించింది. ఓ ఇంటర్వ్యూలో తనపై వస్తున్న ఆరోపణలపై మాట్లాడారు. ‘అమెరికా సెక్స్ రాకెట్లో నా ప్రమేయం లేకపోయినా ఏదేదో ప్రచారం జరుగుతోంది.. వాటిలో నిజం ఉంటే ఓ పరిష్కారం ఉండేది.
నిజాలు తెలుసుకోకుండా ఇష్టం వచ్చినట్లు మాట్లాడటం సరికాదు. అందుకే సంబంధం లేని విషయాల్లో స్పందించకపోవడమే మంచిది. అసలు అందులో ఏమీ లెనప్పుడు పబ్లిసిటీ కోసం నేను రియాక్ట్ అవ్వాలా. ఒకవేళ నేను మాట్లాడినా.. మళ్లీ అది కూడా ఇబ్బందిగా మారుతుంది’అన్నారు రెజీనా. ప్రతీ విషయానికి స్పందించి అనవసరంగా కార్నర్ కాకూడదనే ఉద్దేశంతోనే ఇప్పటి వరకు ఈ విషయంపై స్పందించలేదని పేర్కొంది. ఏదైనా విషయం గురించి అవతలి వారు మాట్లాడేముందు వాస్తవాలు తెలుసుకోవాలని సూచించింది.
తనకు ఏమాత్రం సంబంధం లేని విషయంలో ఇరికించడం బాధగా ఉందని పేర్కొంది. అవసరం అనిపిస్తే అప్పుడు అన్ని ప్రశ్నలకు తీరిగ్గా సమాధానం ఇస్తానని రెజీనా వివరించింది. ఆ సమయంలోనే ఇండస్ట్రీకి సంబంధించిన కొంతమంది సెలబ్రిటీల పేర్లు ఉన్నాయంటూ రూమర్లు వచ్చాయి. అందులో తన పేరు కూడా ఉందనే ఆరోపణలు రావడంతో రెజీనా స్పందించారు.
సాంస్కృతిక కార్యక్రమాల పేరుతో టాలీవుడ్ నుంచి ఆర్టిస్టులను రప్పించి వారితో వ్యభిచార కార్యకలాపాలు నిర్వహిస్తున్నట్టు తేల్చిన అమెరికా ఫెడరల్ పోలీసులు సూత్రధారి కిషన్ మోదుగుమూడి (34), అతడి భార్య చంద్రకళ పూర్ణిమ మోదుగుమూడిలను అరెస్ట్ చేశారు. ప్రస్తుతం ఈ కేసు దర్యాప్తులో ఉంది.