అక్కడ ఘనంగా రౌడీ హీరో బర్తడే హంగామా..!!
నిన్నటి రాత్రి నిర్మాతలు విజయ్ దేవరకొండ కి పుట్టినరోజు సెలబ్రేషన్స్ చాలా గ్రాండ్ గా నిర్వహించినట్లు సమాచారం. ఇందుకు సంబంధించిన ఒక ఫోటో కూడా సోషల్ మీడియాలో బాగా వైరల్ గా మారింది. ఈ ఫోటోలో విజయ్ దేవరకొండ తో పాటు చిత్ర నిర్మాత వై వి రవి శంకర్, దర్శకుడు శివ నిర్వాణ, హీరోయిన్ సమంత అంతా కలిసి ఒక ఫోటో దిగగా ఇది బయటకు రావడం జరిగింది. ఇక ప్రస్తుతం విజయ్ లుక్ పూర్తి డీసెంట్ గా ఉన్నట్లు తెలుస్తోంది. ఇక లైగర్ సినిమా కోసం రకరకాల గెటప్ లు వేసిన విజయ్.. ఆ పాత్ర నుంచి ఇప్పుడు పూర్తిగా బయటకు వచ్చేశారు. అంతే కాదు గీతగోవిందం లో లాగా చాలా స్మార్ట్ గా కనిపిస్తున్నాడు విజయ్ దేవరకొండ.
అయితే శివ నిర్వాణ ఎంపిక చేసుకున్న స్క్రిప్ట్ ఏమిటి అనే విషయం అయితే ఇంకా బయటకు రాలేదు. ఇక ఆర్మీ బ్యాక్ డ్రాప్ స్టోరీగా కాశ్మీర్ లోని కీలక షెడ్యూల్ చేసే అవకాశం ఉన్నట్లు తెలుస్తోంది. కాశ్మీర్ లోనే తన పుట్టిన రోజు వేడుకలను విజయ్ దేవరకొండ సెలబ్రేట్ చేసుకున్నారు. ఆయన అభిమానులు కూడా పుట్టినరోజు శుభాకాంక్షలు తెలియజేస్తున్నారు.