యోగా డే : జూన్-21న జరుపుకోడానికి కారణం..?
అంతర్జాతీయ యోగా దినోత్సవం అంటే జూన్ 21న ప్రపంచవ్యాప్తంగా జరుపుకోనున్నారు. ఈసారి ప్రధాని నరేంద్ర మోదీ జమ్మూ కాశ్మీర్‌లోని శ్రీనగర్‌లోని దాల్ సరస్సు ఒడ్డున అంతర్జాతీయ యోగా దినోత్సవాన్ని జరుపుకోనున్నారు.మోదీ భారత ప్రధానిగా అయ్యాక యోగాకు మరింత ప్రాచుర్యం కల్పించారు. దానికి ఆయన చాలా విశిష్ట స్థానాన్ని ఇచ్చారు. 2014 సెప్టెంబర్ 27న యోగా డేని జరుపుకోవాలని ప్రతిపాదించారు. ఈ తీర్మానానికి 193 ఐరాస ప్రతినిధులలో 175 మంది మద్దతు ఇచ్చారు. అప్పటి నుంచి ప్రపంచయోగా దినోత్సవాన్ని జరుపుకుంటున్నారు. యోగా ప్రపంచాన్ని ఏకం చేసిందని మోదీ అంటారు. ప్రాచీన భారతీయ సంప్రదాయం తాలూకా అమూల్యమైన బహుమతి యోగా అని చెబుతారు.ప్రతి సంవత్సరం అంతర్జాతీయ యోగా దినోత్సవం కోసం ఒక ప్రత్యేక థీమ్ సెట్ చేయబడిందని మనకు తెలిసిందే. ఈసారి అంతర్జాతీయ యోగా దినోత్సవం థీమ్ ‘యోగా ఫర్ సెల్ఫ్ అండ్ సొసైటీ’. భారతదేశంతో సహా ప్రపంచవ్యాప్తంగా 10వ యోగా దినోత్సవం నిర్వహించనున్నారు. యోగా ద్వారా ఆరోగ్యకరమైన, వ్యాధి రహిత జీవితం గురించి ప్రజలకు అవగాహన కల్పించడమే ఈ దినోత్సవాన్ని జరుపుకోవడం ముఖ్య ఉద్దేశ్యం.ఇటువంటి పరిస్థితిలో ప్రతి సంవత్సరం అంతర్జాతీయ యోగా దినోత్సవం సందర్భంగా భారతదేశంలోనే కాకుండా ప్రపంచవ్యాప్తంగా వివిధ రకాల కార్యక్రమాలు నిర్వహిస్తుంటారు. ప్రజలు కూడా ఈ రోజున సామూహికంగా యోగాను అభ్యసిస్తారు.
ప్రపంచంలోని అనేక దేశాలలో యోగా ప్రాముఖ్యతను ప్రజలు అర్థం చేసుకోవడానికి అంతర్జాతీయ యోగా దినోత్సవాన్ని ప్రతి సంవత్సరం జూన్ 21న జరుపుకుంటారు. దీనికి భారతదేశం ప్రాతినిధ్యం వహిస్తుంది.అయితే యోగ డే అనేది జూన్ 21 న జరుపుకోడానికి ప్రత్యేక కారణం ఉంది.
జూన్ 21తేదీ అనేది సంవత్సరంలో సుదీర్ఘమైన రోజుగా పరిగణించబడుతుందని, దీనిని వేసవి కాలం అని కూడా పిలుస్తారు. ఈ రోజు నుండి సూర్యుడు క్రమంగా దక్షిణాయనం తిరగడం ప్రారంభిస్తాడు. ఈ రోజు యోగా, ఆధ్యాత్మికతకు చాలా ప్రత్యేకమైనదిగా పరిగణించబడుతుంది. అందుకే జూన్ 21ని అంతర్జాతీయ యోగా దినోత్సవంగా జరుపుకోవాలని నిర్ణయించారు.యోగ డే సందర్భంగా ఈ శతాబ్దంలో యోగా ప్రపంచాన్ని ఏకం చేసిందని, మనం గ్రహించామని భారత ప్రధాని నరేంద్ర మోడీ చెప్పారు. ప్రాచీన భారతీయ సంప్రదాయం యొక్క అమూల్యమైన బహుమతిగా యోగాను ప్రతీ ఒక్కరూ సాధన చెయ్యాలని ఆయన పేర్కొన్నారు. క్రమం తప్పకుండా యోగ సాధన చేస్తే ఆరోగ్యకరమైన, ఆనందకరమైన జీవితాన్ని అనుభవించవచ్చునని చెప్పారు.