బెల్లం టీ ఇలా చేసుకుంటే ఎన్నో ఆరోగ్య ప్రయోజనాలు?
బెల్లం టీ ని తాగడం వల్ల మన ఆరోగ్యానికి చాలా మేలు కలుగుతుంది. బెల్లం టీ వల్ల మన ఆరోగ్యానికి కలిగే ప్రయోజనాలు ఏమిటి? ఇంకా అలాగే ఈ టీనిఎలా తయారు చేసుకోవాలి? వంటి పూర్తి వివరాలను ఇప్పుడు తెలుసుకుందాం. ముందుగా ఈ బెల్లం టీని ఎలా తయారు చేసుకోవాలి ఇంకా తయారీకి కావల్సిన పదార్థాలు ఏమిటి.. అన్న వివరాలను ఇప్పుడు తెలుసుకుందాం. ముందుగా మీరు ఒక గిన్నెలో 2 కప్పుల నీటిని తీసుకోవాలి. ఆ తరువాత ఇందులో 2 లేదా 3 యాలకులు, ఒక చిన్న ముక్క దాల్చిన చెక్క, 4 లేదా 5 దంచిన మిరియాలు, 10 తులసి ఆకులు ఇంకా అర ఇంచు ముక్క దంచిన అల్లం వేసి నీటిని మరిగించాలి. ఆ నీరు మరిగిన తరువాత ఒక టీ స్పూన్ టీ పౌడర్, 2 లేదా 3 టేబుల్ స్పూన్ల బెల్లం తురుము వేసి మరిగించాలి. దీనిని బెల్లం కరిగే దాకా మరిగించిన తరువాత స్టవ్ ఆఫ్ చేసి వడకట్టి తాగాలి. ఇలా తయారు చేసిన బెల్లం టీని ఉదయం పూట పరగడుపున లేదా అల్ఫాహారం చేసిన అరగంట తరువాత తాగాలి.ఇలా మీరు ఈ బెల్లం టీ ని తీసుకోవడం వల్ల శరీరంలో రోగనిరోధక శక్తి పెరుగుతుంది. ఇంకా తరుచూ ఇన్ఫెక్షన్ ల బారిన పడకుండా ఉంటాము.
ఈ టీ ని తాగడం వల్ల జీర్ణశక్తి బాగా మెరుగుపడుతుంది.అలాగే పొట్ట సంబంధిత సమస్యలు రాకుండా ఉంటాయి.ఇంకా శరీరంలో పేరుకుపోయిన కొవ్వు తొలిగిపోతుంది. బరువు తగ్గడంలో కూడా ఈ టీ మనకు బాగా సహాయపడుతుంది. అలాగే శరీరంలో జీవక్రియల రేటును పెంచి క్యాలరీలు ఎక్కువగా ఖర్చయ్యేలా చేయడంలో కూడా ఈ బెల్లం టీ మనకు దోహదపడుతుంది. ఈ టీని తాగడం వల్ల రక్తహీనత సమస్య కూడా ఈజీగా తగ్గుతుంది.అలాగే బెల్లంలో ఉండే ఐరన్ రక్తహీనతను తగ్గించడంలో సహాయపడుతుంది.అంతేకాకుండా ఈ టీని తాగడం వల్ల పొటాషియం, విటమిన్ ఎ, విటమిన్ బి, క్యాల్షియం ఇంకా మెగ్నీషియం వంటి ఎన్నో పోషకాలు అందుతాయి. కనుక శరీరం పూర్తి ఆరోగ్యం మెరుగుపడుతుందని చెప్పడంలో ఎటువంటి సందేహం లేదు. ఈ విధంగా బెల్లం టీ మన ఆరోగ్యానికి చాలా మేలు చేస్తుందని దీనిని రోజూ ఒక కప్పు మోతాదులో తీసుకుంటే మన ఆరోగ్యానికి చాలా మేలు కలుగుతుందని నిపుణులు చెబుతున్నారు.