ఇవి తింటే అద్భుతమైన ఆరోగ్యం మీ సొంతం?
మనం ఎలాంటి రోగాలు రాకుండా నిత్యం సంపూర్ణ ఆరోగ్యంగా ఉండాలంటే ప్రతి రోజూ ఒక టీ స్పూన్ అవిసె గింజలను నానబెట్టి తీసుకోవాలి. ఎందుకంటే ఇలా తీసుకోవడం వల్ల శరీరంలో రోగనిరోధక శక్తి పెరుగుతుంది. అధిక బరువు సమస్య నుండి కూడా చాలా సులభంగా బయటపడవచ్చు. ఇంకా అలాగే శరీరానికి అవసరమైన శక్తి లభిస్తుంది. నీరసం, బలహీనత వంటి సమస్యలు అసలు మన దరి చేరకుండా ఉంటాయి. ఇంకా అదే విధంగా పోషకాల గని అయినటువంటి అంజీరాను కూడా మనం ఆహారంగా తీసుకుంటూ ఉంటాము. వీటిలో విటమిన్ ఎ, విటమిన్ బి, క్యాల్షియం, ఐరన్, మాంగనీస్, పొటాషియం, ఫైబర్ వంటి చాలా పోషకాలు ఉంటాయి. అయితే సాధారణంగా మనం ఈ అంజీరాను నేరుగా తినేస్తూ ఉంటాము. కానీ ప్రతి రోజూ రాత్రి రెండు లేదా మూడు అంజీరాలను నీటిలో నానబెట్టి పొద్దున్నే తీసుకోవాలి. ఇలా తీసుకోవడం వల్ల ఈజీగా అధిక రక్తపోటు తగ్గుతుంది.మన మెదడు పనితీరు మెరుగుపడుతుంది. శరీరంలో ఫ్రీ రాడికల్స్ నశించి క్యాన్సర్ వంటి ప్రాణాంతక వ్యాధులనేవి బారిన పడకుండా ఉంటాము. ఇంకా రక్తహీనత సమస్య కూడా తగ్గుతుంది. అలాగే బాదంపప్పులను కూడా మనం నానబెట్టే తీసుకోవాలి.
ప్రతి రోజూ 5 లేదా 6 బాదంపప్పులను నానబెట్టి పొట్టు తీసేసి తినాలి. ఇలా తీసుకోవడం వల్ల మెదడు ఆరోగ్యం బాగా మెరుగుపడుతుంది.ఇంకా జ్ఞాపకశక్తి పెరుగుతుంది. అధిక రక్తపోటు సమస్య ఈజీగా అదుపులో ఉంటుంది. శరీరంలో చెడు కొలెస్ట్రాల్ స్థాయిలు తగ్గడంతో పాటు గుండె ఆరోగ్యం కూడా బాగా మెరుగుపడుతుంది. చర్మ, జుట్టు ఆరోగ్యం మెరుగుపడుతుంది. ఇంకా అదే విధంగా మనం ఎండు ద్రాక్షను కూడా ఆహారంగా తీసుకుంటూ ఉంటాము.ఈ ఎండు ద్రాక్షలో ఐరన్ తో పాటు యాంటీ ఆక్సిడెంట్లు కూడా పుష్కలంగా ఉంటాయి.ప్రతి రోజూ రాత్రి 10 నుండి 12 ఎండు ద్రాక్షలను నీటిలో నానబెట్టాలి. పొద్దున్నే ఎండుద్రాక్షలను తింటూ ఆ నీటిని మీరు తాగాలి. ఇలా తీసుకోవడం వల్ల చర్మం ఖచ్చితంగా కాంతివంతంగా తయారవుతుంది. ఇంకా గుండె ఆరోగ్యం కూడా చాలా మెరుగుపడుతుంది.అలాగే మీ శరీరానికి కావల్సినంత ఐరన్ లభిస్తుంది.ఇంకా రక్తహీనత సమస్య దరి చేరుకుండా ఉంటుంది. ఈ విధంగా ఈ ఆహార పదార్థాలను నానబెట్టి తీసుకోవడం వల్ల మన ఆరోగ్యానికి చాలా మేలు కలుగుతుందని ఆరోగ్య నిపుణులు చెబుతున్నారు.