తెలంగాణాలో స్కూల్ సెలవులు పొడిగింపు... కారణం ఇదే?
ముఖ్యంగా తెలంగాణ రాష్ట్రంలో అయితే రోజు రోజుకీ కేసుల బెడద ఎక్కువ అవుతోంది. ఇప్పటికే ప్రభుత్వం నుండి ప్రజలకు తగిన సూచనలు అందాయి. ప్రతి ఒక్కరూ ఖచ్చితంగా మాస్క్ ను ధరించాలని తెలిపారు. ఒకవేళ మాస్క్ ను ధరించకపోతే తగిన చర్యలు తీసుకోవడానికి వెనుకాడేది లేదని చెప్పారు. కాగా ఇప్పుడు ఈ కరోనా ప్రభావము పాఠశాలలపై పడినట్లు తెలుస్తోంది. మాములుగా అయితే అధికారిక సమాచారం ప్రకారం సోమవారం నుండి అన్ని స్కూల్స్ ఓపెన్ కావాల్సి ఉంది.
కానీ పెరుగుతున్న కేసులను దృష్టిలో ఉంచుకుని సోమవారం స్కూల్స్ ను తెరవాలా ? వద్దా ? అన్న సందిగ్ధంలో పడింది. దీనిపై పూర్తి వివరాలు రేపు సాయంత్రం లోపు వెలువడే అవకాశం ఉంది. మరి తెలంగాణ ప్రభుత్వం ఏ నిర్ణయం తీసుకుంటుందో తెలియాల్సి ఉంది. ఒకవేళ స్కూల్స్ ఓపెన్ చేయకపోతే మళ్ళీ ఎన్ని రోజులకు ఓపెన్ చేస్తారు అన్నది స్పష్టత రావాల్సి ఉంది. ఈ కరోనా సమస్యాత్మకంగా మారకూడదని కోరుకుందాం.