సాధన దీక్షను లైట్ తీసుకున్న లోకేష్.. కారణం ఏంటి..?
కొవిడ్ మృతుల కుటుంబాలకు పరిహారం చెల్లించాలంటూ సాధన దీక్ష పేరుతో టీడీపీ రాష్ట్రవ్యాప్త నిరసన కార్యక్రమం చేప్టటింది. వాస్తవానికి వారం రోజులపాటు నిరసన వారం పేరుతో ప్రభుత్వంపై ఒత్తిడి పెంచి చివరిరోజున నియోజకవర్గ కేంద్రాల్లో దీక్షలు చేపట్టాలనేది టీడీపీ ఆలోచన. అయితే నిరసనవారం కాస్తా నీరసంగా సాగింది. అనుకూల మీడియాతో ఎంత హైప్ ఇవ్వాలనుకున్నా కూడా టీడీపీ నిరసన దీక్షలు హైలెట్ కాలేదు. ఇక చివరిరోజు ఏర్పాటు చేసిన సాధన దీక్షకు స్వయంగా చంద్రబాబు హాజరైనా కూడా పసలేదని అంటున్నాయి రాజకీయ వర్గాలు.
ఈమధ్య సీఎం జగన్, వైసీపీ నేతలపై తీవ్ర వ్యాఖ్యలు చేస్తూ టాక్ ఆఫ్ ది స్టేట్ గా మారిన నారా లోకేష్ కూడా దీక్షలో మిస్ అయ్యారు. చంద్రబాబు ప్రతిష్టాత్మకంగా తీసుకున్న సాధన దీక్షకు లోకేష్ ఎందుకు రాలేదనే ప్రశ్నకు సమాధానం లేదు. దీక్ష స్టేజ్ పై లోకేష్ పంచ్ డైలాగులు వినాలని ఆశించిన టీడీపీ శ్రేణులు నిరాశ చెందాయి. యనమల, అచ్చెన్నాయుడు, సోమిరెడ్డి, బీదా రవిచంద్ర.. ఇలా కొంతమంది నాయకులు మాత్రమే సాధన దీక్షలో ప్రసంగించారు. చివరిగా చంద్రబాబు ముగింపు ఇచ్చారు.
దీక్షతో సాధించిందేంటి..?
సాధన దీక్షకు పరిమితంగా నాయకుల్ని మంగళగిరి పిలిపించారు. బహిరంగ దీక్ష చేసే అవకాశం లేదు కాబట్టి ఎన్టీఆర్ భవన్ పార్టీ ఆఫీస్ లో దీన్ని పూర్తి చేశారు. అయితే మిగతా నాయకులంతా జూమ్ ద్వారా ఈ దీక్షలో పాల్గొన్నారు. చంద్రబాబు ప్రసంగాన్ని రాష్ట్ర వ్యాప్తంగా జూమ్ వీడియోలో నాయకులు వీక్షించారు, సంఘీభావం తెలిపారు. రోజంతా దీక్ష జరుగుతుందనుకున్నా.. కేవలం గంటల వ్యవధిలోనే దాన్ని ముగించారు. దీక్ష ముగించిన తర్వాత నిరసన ప్రదర్శనలుంటాయనుకున్నా కూడా అలాంటివేవీ షెడ్యూల్ లో లేవు. కొవిడ్ నిబంధనల మేరకు క్లుప్తంగా దీక్షను ముగించాల్సి వచ్చిందని టీడీపీ నేతలంటున్నారు. కారణాలేవయినా నిరసన వారం పేరుతో టీడీపీ చేసిన హడావిడికి ఎక్కువమార్కులు పడలేదు. కరోనా సెకండ్ వేవ్ ప్రభావం తగ్గిపోయి, అన్ లాక్ నిబంధనలు అమలులోకి వచ్చిన ఈ సమయంలో.. కొవిడ్ మృతుల కుటుంబాలకు ఆర్థిక సాయం అంటూ చంద్రబాబు చేసిన డిమాండ్ ని ప్రభుత్వం కూడా లైట్ తీసుకుంది. మంత్రి ఆళ్ల నాని మాత్రమే చంద్రబాబుకి కౌంటర్ ఇచ్చారు. రాజకీయ విమర్శలంటూ బాబు వ్యాఖ్యల్ని తిప్పికొట్టారు. మొత్తమ్మీద టీడీపీ సాధన దీక్షకు అనుకున్నంత మైలేజీ దక్కలేదని తెలుస్తోంది.
దీక్షతో సాధించిందేంటి..?
సాధన దీక్షకు పరిమితంగా నాయకుల్ని మంగళగిరి పిలిపించారు. బహిరంగ దీక్ష చేసే అవకాశం లేదు కాబట్టి ఎన్టీఆర్ భవన్ పార్టీ ఆఫీస్ లో దీన్ని పూర్తి చేశారు. అయితే మిగతా నాయకులంతా జూమ్ ద్వారా ఈ దీక్షలో పాల్గొన్నారు. చంద్రబాబు ప్రసంగాన్ని రాష్ట్ర వ్యాప్తంగా జూమ్ వీడియోలో నాయకులు వీక్షించారు, సంఘీభావం తెలిపారు. రోజంతా దీక్ష జరుగుతుందనుకున్నా.. కేవలం గంటల వ్యవధిలోనే దాన్ని ముగించారు. దీక్ష ముగించిన తర్వాత నిరసన ప్రదర్శనలుంటాయనుకున్నా కూడా అలాంటివేవీ షెడ్యూల్ లో లేవు. కొవిడ్ నిబంధనల మేరకు క్లుప్తంగా దీక్షను ముగించాల్సి వచ్చిందని టీడీపీ నేతలంటున్నారు. కారణాలేవయినా నిరసన వారం పేరుతో టీడీపీ చేసిన హడావిడికి ఎక్కువమార్కులు పడలేదు. కరోనా సెకండ్ వేవ్ ప్రభావం తగ్గిపోయి, అన్ లాక్ నిబంధనలు అమలులోకి వచ్చిన ఈ సమయంలో.. కొవిడ్ మృతుల కుటుంబాలకు ఆర్థిక సాయం అంటూ చంద్రబాబు చేసిన డిమాండ్ ని ప్రభుత్వం కూడా లైట్ తీసుకుంది. మంత్రి ఆళ్ల నాని మాత్రమే చంద్రబాబుకి కౌంటర్ ఇచ్చారు. రాజకీయ విమర్శలంటూ బాబు వ్యాఖ్యల్ని తిప్పికొట్టారు. మొత్తమ్మీద టీడీపీ సాధన దీక్షకు అనుకున్నంత మైలేజీ దక్కలేదని తెలుస్తోంది.