
హైదరాబాద్ మెట్రో ప్రయాణికులకు గుడ్ న్యూస్.. ఇక మీ ఇష్టం?
విద్యార్థుల సౌకర్యార్థం 20 ట్రిప్పులకు డబ్బులు చెల్లించి 30 ట్రిప్పులు పొందే ఆఫర్ను మరో సంవత్సరం పొడిగించినట్లు ఎన్వీఎస్ రెడ్డి తెలిపారు. ఈ ఆఫర్ 2026 మార్చి 31 వరకు అందుబాటులో ఉంటుందని స్పష్టం చేశారు. అయితే, 2024 ఏప్రిల్లో ప్రారంభమైన సూపర్ సేవర్ హాలిడే ఆఫర్ (SSO) మరియు ఆఫ్-పీక్ తగ్గింపు ఆఫర్లు 2025 మార్చి 31తో ముగియనున్నాయని వెల్లడించారు.
అంతేకాక, మెట్రో ప్రయాణికుల సౌలభ్యం కోసం సరికొత్త టి-సవారీ మొబైల్ అప్లికేషన్ను విడుదల చేసినట్లు ఎన్వీఎస్ రెడ్డి ప్రకటించారు. ఈ అప్లికేషన్ ద్వారా ప్రయాణికులు మరింత సులభంగా సేవలను వినియోగించుకునే అవకాశం ఉంటుందని తెలిపారు.