వినాయకచవితి సంధ‌ర్బంగా నితిన్ 31 షురూ..!
టాలీవుడ్ యంగ్ హీరో నితిన్ ప్ర‌స్తుతం వ‌రుస సినిమాల‌తో దూసుకుపోతున్నాడు. నితిన్ హీరోగా న‌టిస్తున్న ప‌లు చిత్రాలు ప్ర‌స్తుతం షూటింగ్ ద‌శ‌లో ఉండ‌గా వినాయకచవితి సంధ‌ర్భంగా మ‌రో సినిమాను మొద‌లు పెట్టాడు. నితిన్ 31వ సినిమాకు వెంకీ కుడుముల క‌థ‌ను అందిస్తుండగా ఈ సినిమాకు ఎస్ ఆర్ శేక‌ర్ ద‌ర్శ‌క‌త్వం వ‌హిస్తున్నారు. ఈ సినిమా ముహూర్త స‌న్నివేశానికి ముఖ్య అతిధిగా హాజ‌రైన అల్లు అర‌వింద్ క్లాప్ కొట్టారు.
ఇక ఈ సినిమాలో నితిన్ కు జోడీగా ఉప్పెన బ్యూటీ కృతిశెట్టి హీరోయిన్ గా న‌టించ‌బోతుంది. సాగ‌ర్ మ‌హ‌తి ఈ చిత్రానికి స్వరాలు స‌మ‌కూర్చ‌బోతున్నారు. ఇదిలా ఉండ‌గా వెంకీ కుడుముల ల‌వ్ స్టోరీలు తీయ‌డంలో ఇప్ప‌టికే త‌న‌ను తాను ప్రూవ్ చేసుకున్నాడు. దాంతో ఆయ‌న మ‌రో క‌థ‌ను నితిన్ కోసం సిద్దం చేయ‌డంతో ఈ సినిమాపై కూడా భారీ అంచ‌నాలు ఉన్నాయి. మ‌రి ఆ అంచ‌నాలను నితిన్ 31 రీచ్ అవుతుందా లేదా అన్న‌ది చూడాలి.