కొరియాల కుమ్ములాట.. మూడో ప్రపంచ యుద్ధమేనా?
సైనిక సరిహద్దుకు ఉత్తరాన ఉత్తర కొరియాకు చెందిన 180 యుద్ధ విమానాలు నాలుగు గంటలకుపైగా చక్కర్లు కొట్టినట్లు దక్షిణ కొరియా చెబుతోంది. అందుకే ఆ దేశం తమ యుద్ధ విమానాలను కూడా అప్రమత్తం చేసింది. మిలిటరీ డిమార్కేషన్ లైన్ కు ఉత్తరంగా 20 కిలోమీటర్ల వరకు విస్తరించిన వ్యూహాత్మక సరిహద్దు రేఖ వెంట ఉత్తర కొరియా యుద్ధ విమానాలు ఎగిరాయట. అందుకే ఆ దేశం F-35A స్టీల్త్ ఫైటర్ సహా 80 యుద్ధ విమానాలను రంగంలో దించింది. అంతేకాదు.. అమెరికాతో కలిసి 240 యుద్ధవిమానాలతో సైనిక విన్యాసాలు కొనసాగుతాయంటోంది. ఈ ఉద్రిక్తతలు ఎటు దారి తీస్తాయో అన్న ఆందోళన ప్రపంచ దేశాల్లో వ్యక్తమవుతోంది.