అమ్మ: మీకు పుట్టబోయేది పాపా.. బాబా..? తెలుసుకోవాలంటే..!?
గర్భిణీగా ఉన్నప్పుడు మహిళలకు ఎన్నో రకాల ఆలోచనలు, ఒత్తిడికి లోనవడం జరుగుతోంది. ఇలాంటి సమయంలో ఉన్నట్టుండి గర్భిణులకు కోపం రావడం కూడా జరుగుతుంది. అధికారం చెలాయిస్తూ ఉండటం, నాకెందుకులే అనుకుంటూ ఉన్నట్లయితే అబ్బాయి పుట్టబోతున్నట్లు, అదే డల్గా ఉండటం, చిరాకుగా ఉన్నట్లు కనిపిస్తే మీ ఇంట్లోకి అమ్మాయి రాబోతుందని సూచనలు కనిపిస్తాయని నిపుణులు చెబుతున్నారు. పూర్వీకులు ఎన్నో ఏళ్లుగా ఫాలో అవుతున్న చిన్న చిన్న చిట్కాలు ఇవి. వీరి అనుభవాల ఆధారంగా గర్భిణీగా ఉండే మహిళ ఆడపిల్లను లేదా మగపిల్లాడిని జన్మనిస్తుందనే విషయం తెలుస్తుందని, అంతే కానీ పుట్టబోయేది కచ్చితంగా వీళ్లే అని చెప్పలేమని వారు పేర్కొన్నారు.
కొందరు వ్యక్తలు ఆడపిల్ల పుట్టిన, మగ పిల్లాడు పుట్టినా దానికి కారణం స్త్రీ మాత్రమే అని అపోహ పడుతుంటారు. వీరే జన్మనిస్తారు కాబట్టి.. వీళ్లు అనుకోవడం వల్లే ఆడపిల్ల పుట్టిందని భావిస్తుంటారు. అయితే పురుషుల్లో ఉత్పత్తి అయ్యే శుక్రకణాలు సగం ఎక్స్ క్రోమోజోములు, మిగితా సగం వై క్రోమోజోములుగా ఉంటాయి. ఆడవాళ్లలో మాత్రం ఒకే రకం (ఎక్స్) అండ కణాలు ఉత్పత్తి అవుతాయి. ఎప్పుడైతే అండకణం మగవారి ఎక్స్ శుక్రకణాలతో ఫలదీకరణం చెందుతుందో అప్పుడు ఆడ పిల్లగా, అండకణాలు మగవారి వై శుక్రకణాలతో ఫలదీకరణం చెందితే మగ పిల్లాడు జన్మిస్తాడు.