రేవంత్ సర్కారు తొలి బడ్జెట్ పూర్తి చిట్టా ఇదే!
ఇరు తెలుగు రాష్ట్రాలు విభజన తర్వాత జరిగిన పరిణామాలు అందరికీ తెలిసిందే. తెలంగాణలో కెసిఆర్ గత పదేళ్ల పాలనలో తెలంగాణ అభివృద్ధి పథంలోకి దూసుకెళ్లింది అనడంలో ఎటువంటి అతిశయోక్తి లేదు. ఇక గత పదేళ్ల ఆంధ్రాని చూసుకుంటే, రెండు ప్రభుత్వాలు ఇక్కడ మారినప్పటికీ అభివృద్ధి కొంటుపడింది అనడంలో సందేహమే లేదు. ఇక దీనికి కారణం ఏమిటని విశ్లేషించుకున్నప్పుడు... ముఖ్యంగా అందరికీ వినబడే ఒకే ఒక్క మాట బడ్జెట్. అవును, ఇరు తెలుగు రాష్ట్రాలు విడిపోయే నాటికి బడ్జెట్ విషయంలో ఏపీ కంటే తెలంగాణ మెరుగైన పరిస్థితిలో ఉంది. ఈ క్రమంలోనే మనకి తెలంగాణ బడ్జెట్ ఏమిటి? అనే ప్రశ్నలు మొదలయ్యాయి.
దీనికి కారణం హైదరాబాద్ వంటి మహానగరం తెలంగాణ కలిగి ఉండటమే అని చెప్పుకోవచ్చు. హైదరాబాద్ పూర్తిగా తెలంగాణ సొత్తుగా మారిన తర్వాత అక్కడ నుండి వచ్చే ఆదాయం మొత్తం తెలంగాణకే చెందింది. మరోవైపు రేవంత్ రెడ్డి సారధ్యంలో కాంగ్రెస్ ప్రభుత్వం ఏర్పాటు చేసిన తర్వాత ఇదే తొలి స్థాయి బడ్జెట్ కావడంతో ఏమిటి? ఎంత? అనే మాటలు విరివిగా వినబడుతున్నాయి. ఈ నేపథ్యంలోనే, తెలంగాణ డిప్యూటీ సీఎం, ఆర్థిక మంత్రి అయినటువంటి భట్టి విక్రమార్క గురువారం రాష్ట్ర బడ్జెట్ గురించి ప్రకటిస్తూ... 2,91,159 కోట్ల రూపాయలుగా చెప్పుకొచ్చారు.