మావయ్య అంటూ చంద్రబాబుపై ఎక్కడిలేని ప్రేమ కురిపించిన తారక్..?
2024 ఏపీ అసెంబ్లీ ఎన్నికల్లో టీడీపీ ఘన విజయం సాధించింది. ఎన్డీఏ కూటమి 164 సీట్లతో వైసీపీని చిత్తుగా ఓడిస్తూ అధికారంలోకి వచ్చింది. ఈ అనూహ్య విజయం తర్వాత చంద్రబాబు, పవన్, నారా లోకేష్ కు విషెస్ వెల్లువెత్తున్నాయి. ఈ క్రమంలో అల్లు అర్జున్ ఒక ట్వీట్ చేస్తూ పవన్ కళ్యాణ్ కు విషెస్ తెలియజేశారు. ఇదే నేపథ్యంలో జూ.ఎన్టీఆర్ కూడా ట్వీట్ చేస్తూ చంద్రబాబుకు పవన్ కళ్యాణ్ కు విషెస్ చెప్పారు. మొన్నటిదాకా చంద్రబాబుకు మద్దతుగా జూనియర్ ఎన్టీఆర్ ఒక్క ట్వీట్ కూడా చేయలేదు కానీ గెలిచాక మాత్రం మామయ్య అంటూ ఎక్కడా లేని ప్రేమ కురిపించడం ఇప్పుడు ఆసక్తికరంగా మారింది. తారక్ ఏపీలో ఎన్డీయే కూటమి విజయంపై స్పందించిన తీరు ప్రస్తుతం హాట్ టాపిక్ గా మారింది.
తారక్ తాజాగా ట్వీట్ చేస్తూ 'ప్రియమైన చంద్రబాబు మావయ్యకి ఈ చరిత్రాత్మక విజయాన్ని సాధించినందుకు శుభాకాంక్షలు. ఏపీని అభివృద్ధి పథం వైపు నడిపిస్తుందని ఆశిస్తున్నా. అద్భుత మెజార్టీతో గెలిచిన లోకేశ్, మూడోసారి ఘన విజయం సాధించిన బాలకృష్ణ బాబాయ్, ఎంపీలుగా గెలిచిన భరత్ కు, పురందీశ్వరి అత్తకు, ఘన విజయం సాధించిన పవన్ కళ్యాణ్ కు నా శుభాకాంక్షలు' అని పేర్కొన్నారు.
ప్రస్తుతం తారక్ చేసిన ట్వీట్ వైరల్ గా మారింది. దీనిని కూడా పాజిటివ్ కోణంలో చూస్తున్నారు టీడీపీ తమ్ముళ్లు. మొన్నటిదాకా టీడీపీ స్పందించకపోవడంతో ఆయనకి, చంద్రబాబుకి మధ్య మాటలు లేవని చాలామంది రూమర్స్ క్రియేట్ చేశారు. అయితే రీసెంట్ ట్వీట్ తో వారి మధ్య అంతా బాగానే ఉంది అనే విషయం తెలిసిందని చాలామంది కామెంట్ చేస్తున్నారు. ఇకపోతే జనసేన అధినేత పవన్ కళ్యాణ్ సాధించిన విజయం భారతదేశంలో ఒక రికార్డు సృష్టించింది. త్వరలోనే చంద్రబాబు సీఎంగా ప్రమాణస్వీకారం చేసే అవకాశం ఉంది. ఆ తర్వాత పవన్ పదవిని చేపడతారో చూడాలి. మంత్రి ఇస్తారా లేదంటే డిప్యూటీ సీఎం చేస్తారా అనేది ప్రస్తుతానికి సస్పెన్స్.