జగనన్న: ఆయనను పెద్దాయన అని పిలిచారే ! ఎందుకు?
ఏవో కొన్ని మార్పులు ఏవో కొన్ని పరిణామాలు మాత్రమే మనుషులను మారుస్తాయి. లేదా మార్చేందుకు సహకరిస్తాయి. అదేవిధంగా మన జీవితాల్లోనూ మన నేతల జీవితాల్లోనూ ఎనలేని ప్రభావాన్ని చూపుతాయి. అదే సమయానో సందర్భానో ఇతరులపై గౌరవం కూడా పెంచి పోతాయి. నాయకులంతా ఒక్కసారి అయినా ఆత్మ పరిశీలనకు మరియు ఆత్మావలోకనానికి మంచి ప్రాధాన్యం ఇస్తే మంచి అన్నది ఓ మార్పుగానే తప్పక స్థిరీకరణకు నోచుకుంటుంది. అలాంటి మార్పు కారణంగానే రాజకీయాల్లో విలువయిన వ్యక్తులు లేదా విలువయిన సమయాలు తప్పక పరిగణనలోకి నోచుకుంటాయి. ఇవాళ జగన్ కానీ లేదా అచ్చెన్న కానీ మంచి సభా సంప్రదాయాలను నెలకొల్పాలి. ఇందుకు ఇరు వర్గాలూ మంచి బాధ్యతను తీసుకోవాలని కోరుకుంటున్నారు ఆంధ్రా ప్రజానీకం. కొట్టుకోవడం మరియు తిట్టుకోవడం అన్నది వద్దే వద్దని కోరుకుంటున్నారు ఆంధ్రా ప్రజానీకం. అదే సమయాన అదే సందర్భాన సుహృద్భావ వాతావరణాన అసెంబ్లీ నడిపితే ఇరు వర్గాలకూ గౌరవం కదా! ఆ పాటి చొరవ చూపకుండా నాయకులు ఎలా ప్రజల మన్ననలు అందుకోగలరని?
ఈ నేపథ్యంలో ఈ తరుణంలో
ఈ నేపథ్యంలో ఈ తరుణంలో
చాలా రోజులుగా జగన్ అనే సీఎం తన స్థాయిని పెంచుకునే రీతిలో ప్రవర్తించారు. తన స్థాయిని చూసి ఇతరులు ఆనందించేలా ప్రవర్తించారు జగన్. ఓవిధంగా ప్రతిపక్షం విస్తుబోయేలా ప్రవర్తించి మహానేత కు తగ్గ తనయుడిగా మంచి పేరే తెచ్చుకున్నారు. వెరీగుడ్ సర్.. అని చాలా మంది అంటున్నారిప్పుడు. అవును! మొన్నటి అసెంబ్లీ సమావేశాల్లో భాగంగా బీఏసీ నిర్వహించారు. ఇందులో సభలో అనుసరించాల్సిన వ్యూహం, ఇంకా చెప్పాలంటే సెషన్ కు సంబంధించిన బిజినెస్ ఇలా చాలా విషయాలు చర్చించేందుకు ఎప్పటిలానే బిజినెస్ అడ్వైజరీ కమిటీ భేటీ అయింది. ఈ సందర్భంగా అచ్చెన్నను ఆయన పెద్దాయన అని సంబోధించారు. సభ ఒక్కరోజు ఎలా నిర్వహిస్తారు అని ప్రశ్నించిన అచ్చెన్నకు సావధానంగానే సమాధానం ఇచ్చారు. ఒక్క రోజు కాదు ఏడురోజులు సెషన్ నిర్వహిద్దాం అని చెప్పి ప్రతిపక్ష నేతకు (అచ్చెన్న - టీడీపీకి సంబంధించి డిప్యూటీ ఫ్లోర్ లీడర్) సర్దిచెప్పారు. అదేవిధంగా ఆయనను సంబోధించేటప్పుడు కానీ ఆయన విషయమై మాట్లాడేటప్పుడు కూడా హుందా తనం చాటుకున్నారు. ఆయన ఎదురయినప్పుడు కూడా అచ్చెన్నా ద గ్రేట్ అని కూడా అన్నారు. ఇవన్నీ సానుకూలాంశాలే!