రైతు వెత: రైతును రాజును చేయండి ప్లీజ్... !
దేశానికి వెన్నెముక, ప్రపంచానికి అన్నం పెట్టే అన్నదాత, అందరి బంధువు రైతన్న. అయితే వీటన్నిటికీ నిజమైన గుర్తింపు ఎక్కువుగా మాటల్లోనే వినిపిస్తున్నాయి. కానీ వాస్తవంలో కనిపించడం లేదు. కొన్ని వేల సంవత్సరాల నుండి వ్యవసాయం కొనసాగుతోంది. నిజానికి చెప్పాలంటే ఇదే మొట్టమొదటి వ్యాపారం కూడా, ఎందరో నాయకులు వస్తున్నారు పోతున్నారు, దేశం ఎంతగానో అభివృద్ధి చెందింది. అనేక వ్యాపార రంగాలు అత్యున్నత స్థాయిలకు ఎదిగాయి. రకరకాల పరిశ్రమలకు వేల కోట్ల రుణాలు ఇచ్చి మరీ వాటిని అభివృద్ధి చేస్తున్నారు. కానీ రైతు మాత్రం అదే జీవనాన్ని ఇంకా కొనసాగిస్తున్నాడు. నాటికి నేటికి రైతుల జీవితంలో, జీవన విధానంలో చెప్పుకోదగ్గ, రైతు ఆశించినంత మార్పులేమీ రాలేదనే చెప్పాలి. ఎందరో నాయకులు వస్తున్నారు పోతున్నారు.