వైఎస్ బొమ్మ షర్మిలకు కలిసొస్తుందా ?
ఆంధ్రప్రదేశ్ సీఎం వైఎస్ జగన్ మోహన్ రెడ్డి చెల్లెలు వైఎస్ షర్మిల తెలంగాణ రాష్ట్రంలో తన రాజకీయ ప్రస్థానాన్ని ప్రారంభించిన విషయం తెలిసిందే. అయితే రాజకీయంగా తొలి దశ కావడం వలన రాజకీయ పరమైన వ్యాఖ్యలు చేయడంలో పొరపాట్లు చేస్తున్నట్లుగా అవగతమవుతోంది. వాటిని సరిచేసుకోవాల్సిన అవసరం ఎంతైనా ఉందని రాజకీయ విశ్లేషకులు అభిప్రాయపడుతున్నారు. తెలంగాణాలో ఎలాగైనా రాజన్న రాజ్యం తెస్తానని తాను వచ్చిన రోజు నుండి చెబుతూనే ఉంది. వైఎస్ పథకాలను మరియు ఆయన ఆశయాలను ప్రజలకు అందించడానికి షర్మిల పార్టీ పెట్టనున్నారన్న విషయాన్నీ ఇప్పటికే ప్రకటించారు. రేపు వైఎస్ రాజశేఖర్ రెడ్డి పుట్టినరోజును పురస్కరించుకుని పార్టీ పేరును మరియు పార్టీ జెండాను అధికారికంగా ఆవిష్కరించనున్నారు. అయితే నిన్ననే షర్మిల పార్టీ జెండాకు సంబంధించి ఒక చిత్రం విడుదలయింది. ఈ జెండాపై పలు విధాలుగా చర్చలు జరుగుతున్నాయి.