కరోనా బూచీ: హైదరాబాద్లో కూరగాయల అమ్మకాలు చూస్తే మైండ్ పోవాల్సిందే..!
అయితే ఇప్పుడు ఆ ప్రభావంతో నగర జనాలు అందరూ మాంసానికి దూరమయ్యే పరిస్థితి వచ్చేసింది. దీంతో ఇప్పుడు మరో వెయ్యి టన్నుల కూరగాయలు అదనంగా అమ్ముతున్నారు. గత పది రోజుల నుంచి కరోనా వైరస్ తెలంగాణలో బాగా విస్తరిస్తూ ఉండడంతో కూరగాయలకు భారీ డిమాండ్ ఏర్పడింది. నగర చుట్టుపక్కల ఉన్న రంగారెడ్డి, మెదక్ జిల్లాల నుంచే కాకుండా ఆంధ్రా లోని కర్నూలు , చిత్తూరు , అనంతపురం , కర్ణాటకలోని చిక్బళ్లాపూర్ ప్రాంతం నుంచి భారీ ఎత్తున నగరానికి కూరగాయలు దిగుమతి అవుతున్నాయి.
ప్రస్తుతం గ్రేటర్ హైదరాబాద్ మార్కెట్లో కేజీ టమాటా తక్కువగా పది రూపాయలు ఉండగా.. చిక్కుడు కాయలు, బెండకాయలు కేజీ 40 వరకు పలుకుతున్నాయి. వచ్చే నెలతో కూరగాయల సీజన్ ముగుస్తుండటంతో అప్పుడు కూరగాయల రేట్లు మరింత ప్రియం కానున్నాయి. ఇక నగరానికి అదనంగా ఒకేసారి వెయ్యి టన్నుల కూరగాయాలు దిగుమతి చేసుకోవాల్సి వస్తుండడంతో అన్ని కూరగాయాల రేట్లు గత వారం రోజుల్లోనే డబుల్ అయ్యాయి.
అదే టైంలో చికెన్ కొనేవాళ్లు కూడా కరువవుతున్నారు. చికెన్ రేట్లు పూర్తిగా పడిపోతున్నాయి. కిలో చికెన్ కేవలం రు. 40 కు కూడా ఇస్తున్నారు. దీనిని బట్టి కరోనా చికెన్ బిజినెస్కు దెబ్బేస్తే అదే టైంలో కూరగాయాల బిజినెస్కు భారీ లాభాల పంట పండిస్తోంది.