బద్వేలు : లోకేష్ సోదిలో కూడా లేడేం ?
ఇక ఇప్పుడు కడప జిల్లాలోని బద్వేల్ ఉప ఎన్నిక జరుగుతోంది. అసలు జగన్ ఈ ఉప ఎన్నికను ఎంత మాత్రం పట్టించు కోవడం లేదు. ఇక టీడీపీకి భవిష్యత్తు పార్టీ అధ్యక్షుడు అని మాత్రమే కాకుండా.. ఆ పార్టీ నుంచి ముఖ్యమంత్రి అవుతాడని ప్రచారంలో ఉన్న యువనేత లోకేష్ అస్సలు పట్టించుకునే పరిస్థితి లేదు. ఒక వేళ ఇక్కడ నిజంగానే టీడీపీ తన క్యాండెట్ ను పోటీకి పెట్టి ఉన్నా లోకేష్ చేసేదేం ఉండదు.
ఇది సీఎం జగన్ సొంత జిల్లా.. పైగా ఈ జిల్లాలోని పది నియోజకవర్గాలు వైసీపీ పెట్టినప్పటి నుంచే ఆ పార్టీకి కంచు కోటలుగా ఉంటూ వస్తున్నాయి. ఈ క్రమంలోనే ఇక్కడ లోకేష్ ఎంత ప్రచారం చేసినా జిల్లా మొత్తం మీద టీడీపీకి ఒక్క సీటు వచ్చినా గొప్పే అన్నట్టుగా పరిస్థితి ఉంది. ఇక్కడ టీడీపీ పోటీ పెట్టి లోకేష్ ప్రచారం చేసి ఉంటే లోకేష్ పరువు మరింత దిగజారి పోయి ఉండేదనే అంటున్నారు.